Astanada Agroóndiristik ınvestısııalyq forým ótýde

ASTANA. 17 maýsym. Astanada Agroóndiristik ınvestısııalyq forým óz jumysyn bastady. Alǵash ret uıymdastyrylyp otyrǵan atalǵan jıynǵa 150 kompanııanyń ókilderi qatysýda. Bulardyń arasynda Eýropa, Taıaý shyǵys memleketteri men AQSh, Reseı, Ýkraına jáne óz elimizdiń kásiporyndary bar. Bul týraly strategy2050.kz habarlady. Osy mańyzdy sharany Aýylsharýashylyǵy mınıstrliginiń qoldaýymen «QazAgro» holdıngi men brıtanııalyq Adam Smith Conferences uıymdastyryp otyr. «QazAgro» Ulttyq basqarýshy holdınginiń basqarma tóraǵasynyń orynbasary Dáýren Mahajanov: «Búginde azyq-túlik qaýipsizdigi máselesi álemdegi árbir eldiń memlekettik baǵdarlamasy men saıasatynyń mańyzdy bir bóligine aınalyp otyr. Qazirgi tańda álemdegi adam sanynyń artý qarqyny azyq-túlik óndirisiniń ósý qarqynynan bir jarym ese artyq. Osy oraıda kún sanap tapshylyq ta baıqalýda. Osy syndy máselelerdi sheshý úshin «QazAgro» atalmysh forýmdy uıymdastyryp otyr», – dedi. Qazirgi tańda holdıng elimizdiń aýyl sharýashylyǵy salasyna ınvestısııa tartý boıynsha 30 transulttyq agroónerkásiptik kompanııalarmen birlese jumys júrgizýde. Forým 2014 jyldyń 18 maýsymynda aıaqtalady. Joldybaı Bazar. Derekkóz: strategy2050.kz. Foto: voxpopuli.kz.