Sheteldik ınvestısııalar el ekonomıkasynyń damýyna múmkindik beredi

ASTANA. 17 maýsym. Elimiz sheteldik ınvestısııalardy tartýda Orta Azııada kósh bastap tur. Parlamenti Májilisiniń depýtaty Meıram Pshembaev osyndaı pikirde. Bul týraly ortcom.kz habarlady. Meıram Pshembaev: «Údemeli ındýstrııaldyq-ınnovasııalyq damý memlekettik baǵdarlamasyna (ÚIIDMB-1) 100 mlrd. dollardan astam ınvestısııa tartyldy. Qazirgi  tańda Údemeli ındýstrııaldyq-ınnovasııalyq damý memlekettik baǵdarlamasynyń ekinshi besjyldyǵyna (ÚIIDMB-2) basa nazar aýdarylýda», – dedi. Elimizdiń sheteldik ınvestorlarmen tyǵyz qarym-qatynasta jumys istep jatqanyn dáleldeı sóılegen depýtat: «Búginde júk magıstraldyq teplovozdary shyǵarylyp jatyr. Keshe «General Electric» prezıdenti endi kompanııa jolaýshylar teplovozdaryn shyǵaratynyn málimdedi», – dep tolyqtyrdy. Onyń aıtýynsha, shetelderden molynan ınvestısııa tartý elimizdiń ekonomıkasynyń sapalyq turǵyda  damytady. Joldybaı Bazar. Derekkóz: ortcom.kz. Foto: nurotan.kz.