Agrarlyq ýnıversıtet ádilet jolynda

«Bizdiń maqsatymyz – jastardy jemqorlyqqa tózbeýge shaqyrý, sybaılas jemqorlyqqa qarsy mádenıet deńgeıin joǵarylatý, sol arqyly oqý úrdisiniń sapasyn arttyrýǵa yqpal etý. Memle­ket basshysy Qasym-Jomart Toqaev «Bizdiń ortaq maqsatymyz – zań men tártip ústemdik quratyn, azamattardyń quqy­ǵyna laıyqty qurmet kórsetiletin Ádilet­ti Qazaqstandy qurý» degendi únemi aıtyp keledi. Osy oraıda ýnıversıtet basshylyǵy men stýdentter arasynda áriptestik senimdi arttyrý maqsatynda osyndaı ashyq áńgime ótkizip otyrǵany mańyzdy. Búgingideı ózara senimge negizdelgen sharalar sybaılas jemqorlyqqa qarsy qozǵalysty nyǵaıta túsedi. Aldaǵy ýaqytta sybaılas jemqorlyqqa qarsy ýnıversıtet baǵdarlamasyn qabyldaımyz», dedi Aqylbek Qajyǵululy.

Sybaılas jemqorlyq – ádilet­ti qoǵam qaǵıdattaryna múl­dem kereǵar uǵym. El erteńine qyz­met etetin bilikti mamandar daıar­laýda sapaly bilim berý, stý­dent­ter bilimin ádil baǵalaý oqy­tý­shy­lardan da, bilim alýshylardan da úlken jaýapkershilikti talap etedi.

Kezdesý barysynda stýdentter ýnıversıtetke kelmese de joǵa­ry ball alǵysy keletin­derdiń bar ekenin jáne grant bólý kezin­de ádiletsizdikterdiń, para alýǵa beıim jaǵdaılardyń kezdesetinin atap ótti. Sybaılas jemqor­lyq faktileri kóbinese, stýdentter sabaqqa qatyspaǵan jaǵdaıda, ara­lyq baqylaýdy nemese pán­dik jumystardy, emtıhandardy qaıta tapsyrý, kýrstyq ju­mys­tar qorǵaý sátterinde jıi kezde­setin kórinedi.

Rektormen kezdesýde stýdentter kezinde jekemenshikke ótip ketken ýnıver­sıtettiń oqý ǵımarattaryn, stýdenttik jataq­hanany, stadıondy, jer ýchas­ke­lerin memleketke qaıtarý máse­lesin kóterdi.

Stýdentterdiń oı-pikirleri men usy­nystaryn tyńdaı kelip, rektor ashyqtyq pen ózara senim men baılanystardy odan ári nyǵaıtý maqsatynda tıisti qurylym basshylaryna tapsyrma berdi.

ALMATY