Kazakhstan Blockchain Day - krıptoındýstrııasy men maınıng naryǵyndaǵy sońǵy trendter men qıyndyqtardy talqylaýǵa arnalǵan jyl saıynǵy is-shara. Ol bir platformada 1000-nan astam tyńdaýshyny, otandyq jáne sheteldik sarapshylardan, krıpto áýesqoılarynan bastap memlekettik organdardyń ókilderi men perspektıvalyq jobalardy ázirleýshilerge deıin biriktiredi. Forýmda sonymen qatar «Web 3.0: jańa ınternet-revolıýsııa» paneldik sessııasy ótedi, onyń aıasynda blokcheın ındýstrııasynyń sarapshylary men Dúnıejúzilik ekonomıkalyq forýmǵa qatysýshylardyń qatysýymen Web 3.0 tujyrymdamasyn iske asyrý jobasy iske qosyldy.
Olardyń Blockchain Day 2023 spıkerleri retinde qatysýyn Qazaqstan blokcheın tehnologııalary qaýymdastyǵy prezıdıýmynyń tóraǵasy Islambek Saljanov, derekter jáne blokcheın saıasaty boıynsha maman (Úndistannyń tórtinshi ónerkásiptik revolıýsııa ortalyǵy, Dúnıejúzilik ekonomıkalyq forým) Arýshı Goel sııaqty sarapshylar qatysyp jatyr.
«Qazpochta» AQ basqarma tóraıymy Ásel Janasova, venchýrlyq ınvestor jáne MOST Ventures seriktestiginiń quryltaıshysy Baqyt Nııazov; «Frıdom Bankiniń» basqarýshy dırektory Abylaıhan Ospanov, Qazaqstandaǵy blokcheın jáne derekter ortalyǵy ındýstrııasy qaýymdastyǵynyń vıse-prezıdenti Sergeı Pýtrany da osy jıyn barysynda kórdik. Forýmnyń basty maqsaty – Ortalyq Azııadaǵy blokcheın tehnologııasy men krıptostartaptardyń keleshegin zertteý. Sarapshylar jıyn barysynda «Blokcheın jobalary búginde ınvestısııa tartýdyń joǵary áleýeti bar turaqty bıznes pe?» degen máselelerdi talqylady.
Eske salaıyq, birinshi qazaqstandyq blokcheın kúni elordada 2021 jyldyń jeltoqsanynda Astana Hub-ta ótken bolatyn. 2023 jyly forým Almaty qalasy ákimshiligimen jáne Almaty qalasy sıfrlandyrý departamentimen, Qazaqstan blokcheın tehnologııalar qaýymdastyǵymen (QBT), AIFC Tech Hub, MOST bıznes-ınkýbatorymen, CaspianEx krıpto bırjasymen jáne menedjmentpen seriktestiktiń arqasynda múmkin boldy.
