Búgin, 2 aqpanda «Aqmola-Tirshilik» JShS dırektory men qyzmetkerleri «Egemen Qazaqstan» respýblıkalyq gazetiniń qyzmetkerlerimen kezdesip, tájirıbe almasty, dep habarlaıdy Egemen.kz.
«Egemen Qazaqstan» respýblıkalyq gazetiniń redaksııasyna «Aqmola-Tirshilik» JShS dırektory, jazýshy, jýrnalıst, qoǵam qaıratkeri Jabal Erǵalıev, «Akmolınskaıa pravda» oblystyq gazetiniń bas redaktory Vladıslava Kokorına, «Arqa ajary» oblystyq gazetiniń jaýapty hatshysy Asylaı Aıjaryqova men gazet tilshisi Kamıla Ábdilmanova kelip, bas basylymnyń ujymy men jumysymen tanysty.
Bas basylymnyń bas redaktory Ǵabıt Músirep «Egemen Qazaqstan» jáne «Kazahstanskaıa pravda» gazetteriniń ǵasyrlyq tarıhyna toqtalyp, búginde bir shańyraq astynda birlese jumys istep jatqan shyǵarmashylyq ujymdardyń jumysy jaıly áńgimeledi. Al «Kazahstanskaıa pravda» gazetiniń bas redaktory Sábıt Maldybaıdyń aıtýynsha, qańtar oqıǵasy sııaqty kúrdeli kezeńde merzimdi basylymdar eń senimdi aqparat kózine aınaldy, sondyqtan gazet sapasy men mazmuny únemi joǵary deńgeıde bolýy qajet.
Kezdesý barysynda qonaqtar «Egemen Qazaqstan» men «Kazahstanskaıa pravda» redaksııasynyń ár bólimin aralap, shyǵarmashylyq ujymnyń jumys barysyn, gazet shyǵarý prosesin baqylady.
Qazaqstan baspasóziniń búgingi jaǵdaıyna toqtala ketken Jabal Erǵalıev búginde jýrnalıstıka salasyna daryndy jastar men bilikti mamandardyń kóptep kelýi qýantatynyn aıtty. Al respýblıkalyq gazetter olardyń qalamdaryn qarymdy etip, tájirıbelerin shyńdaýǵa múmkindik beredi. Búginde «Arqa ajary» men «Akmolınskaıa pravda» gazetterin bir shańyraq astynda biriktirip otyrǵan «Aqmola-Tirshilik» seriktestigi de jas mamandardy jýrnalıstıka salasyna tartyp keledi.
Atyraýda birneshe mekteptiń oqýshylary onlaın oqıdy
Qoǵam • Keshe
Prezıdent Qatar Ámirimen telefon arqyly sóılesti
Saıasat • Keshe
Áýejaıda shekarashylar qonaqtardy erekshe kútip aldy
Qoǵam • Keshe
Uqsas jańalyqtar
