Ábigerge túsirgen tolassyz jaýyn

Tótenshe jaǵdaılar depar­tamentinen 56 qyzmetker, 10 tehnıka, 20 motopompa jáne jergilikti atqarýshy organ­dar­dyń kúsh­terimen sýdy sorý jáne aryqtardy ta­zalaý ju­mystary júrgizildi. Sondaı-aq Saýran aýdanyndaǵy aýyl kósheleri men úı aýlala­rynan sýdy shyǵarý jumystary boıynsha shuǵyl is-sharalar atqaryldy.

«Búgin qatty jaýǵan jań­byrdyń jáne qardyń birden erýiniń saldarynan sýdyń deń­geıi kóterilip, tómen qaraı arnalar­men aǵyp jatyr. Nátı­jesinde, qala, aýdan­dardaǵy bir­shama kósheler men aýlalardy sý basý oqıǵalary oryn alyp jatyr. Qazirgi tańda Kentaý qalasy men Báıdibek aýdanyndaǵy sýdyń mólsheri tómen túsip, eldi mekenderge qaýip tónip turǵan joq. Biraq Saýran aýdanyndaǵy jaǵdaı eldi mekenderge qaýip tóndirip turǵany baıqalady. Sý tasqynyna baılanysty Saýranda mek­tep oqýshylary onlaın oqýǵa kiristi. Aqpa­rattarǵa sáıkes, sý basqan úıler men zar­dap shekkender joq», deıdi Túrkistan oblys­tyq TJD bastyǵynyń orynbasary Erik Sarybaev.

Jańbyr sýyn sorý jumys­tary kúsheı­tilgen rejimde júr­gizilip, jergilikti at­qarýshy organdar men departamenttiń jeke kúsh quraldary asfalttardy oıyp, kóshe boıynda jınalǵan sýdy kanaldarǵa jáne qaýipsiz aımaqqa jiberý jumystaryn júr­gizip jatyr. Atalǵan qala, aýdandar­da jaý­ǵan jaýyn-shashyn áserinen kóshelerdi sý basý jaǵdaıy tirkelgen. Sondaı-aq jaýyn-shashyn kóp bolyp, tuman túsýine baılanysty oblystyq polısııa departamentiniń qyz­metkerleri, júrgizýshiler men jaıaý júrginshilerge joldarda saq bolýdy esker­tip jatyr. Sebebi mundaı aýa raıynda kólik quralyn basqarý qıyndap, ıaǵnı jol kólik oqıǵalarynyń bolý yqtımaldyǵy artady. Sondyqtan jaýyn saldarynan jol ústinde bolatyn kóktaıǵaqta jol qozǵa­lysy erejelerin qatań saqtaý qajet. Osy­ǵan oraı polısııa qyzmetkerleri Sozaq aýda­ny ar­qyly ótetin «Ulanbel – Sozaq – Ekpindi», Báı­dibek aýda­ny boıyn­sha «Shaıan – Sholaq­qor­ǵan» tasjoldary ýaqytsha jabylǵanyn eskertti.

О́ńir aýmaǵyndaǵy sý tasqy­nynyń aldyn alý maqsatynda oblys ákimi Darhan Satybaldy Syrdarııa ózeni boıynda orna­lasqan Otyrar, Saýran aýdandary men Arys qalasynyń aýma­ǵyna aerovızýaldy sholý jasap, ózen boıyna jaqyn or­nalasqan eldi mekender men sý nysandarynyń jaı-kúıin ba­qylady. Tótenshe jaǵdaı depar­­tamentiniń basshylarymen keńesip, kóktemgi sý tasqynynyń aldyn alý jumystaryn kezekti ret pysyqtady. Tekserý nátıjeleri boıynsha oblystaǵy sý qoı­malardyń deńgeıi qalypty jaǵ­daıda ekeni anyqtaldy.

Qazirgi tańda barlyq sý ny­sanynyń jaǵdaıy men deńgeıin baqylaý maqsatynda oblystyq sý tasqynyna qarsy komıssııa qurylǵan. О́ńir basshysy ja­ýaptylarǵa sý qoımalarynyń deńgeıi qalypty jaǵdaıda bolsa da, qaýipsizdik is-sharalaryn kúsheıtý jóninde tapsyrmalar berdi. Al «Kóksaraı» sý ret­tegishinen tastalyp jatqan 600 tekshe metr sý kedergisiz ótip jatyr. Qazirgi tańda aýa raıynyń jylynýyna baılanysty seń buzylyp, tómen qarap erip ketip jatyr. Jaýapty mekemeler óńirde jaǵdaı qalypty ekenin málimdedi.

Túrkistan oblysy