Prezıdent janyndaǵy Adam quqyqtary jónindegi komıssııanyń tóraǵasy Igor Rogov pen komıssııa hatshysy Tastemir Ábishev Eýropa Keńesiniń zań mamandyqtary ókilderine arnalǵan Adam quqyqtary salasyndaǵy eýropalyq bilim berý baǵdarlamasynyń (HELP) sarapshylary Sergeı Dıkman men Krıstına Hohlovany qabyldady.
Kezdesý barysynda taraptar sotqa deıingi tergep-tekserý satysynda adam quqyqtaryn qorǵaý, onyń ishinde Qazaqstan Respýblıkasynyń Quqyq qorǵaý qyzmetinde azaptaýdyń aldyn alý máselelerin, sondaı-aq komıssııanyń eýropalyq qurylymdarmen yntymaqtastyǵynyń perspektıvalary týraly talqylady.
Komıssııa tóraǵasy Igor Rogov Qazaqstan Respýblıkasynda adam quqyqtaryn qorǵaý, onyń ishinde sotqa deıingi tergep-tekserý satysynda júıeli jumys júrgizilip jatqanyn, bul rette komıssııa Eýropa Keńesinen eleýli ádisnamalyq jáne uıymdastyrýshylyq kómek alatynyn atap ótti. Búginde respýblıkada quqyq qorǵaý jáne sot júıelerin tereń reformalaý júrgizilip jatqan kezde Eýropa Keńesiniń HELP baǵdarlamasyn saraptamalyq qoldaýdyń mańyzdylyǵyn baǵalamaýǵa bolmaıdy.
Eýropa Keńesi delegasııasynyń basshysy Sergeı Dıkman eýropalyq qurylymdardyń qazaqstandyq quqyq qorǵaý ınstıtýttarymen yntymaqtastyǵyn damytýǵa qanaǵattanǵandyǵyn bildirip, sapardyń maqsaty quqyq qorǵaý salasynda adam quqyqtaryn qorǵaý, onyń ishinde azaptaý sııaqty jaǵymsyz qubylystyń aldyn alý tetikterin ázirleý maqsatynda zań mamandyqtarynyń ókilderi úshin jańa bilim berý baǵdarlamalaryn talqylaý bolyp tabylatynyn aıtty.
Eýropa Keńesiniń delegasııasy elimizdiń Joǵarǵy soty, Bas prokýratýrasy, Ádilet mınıstrligi, Respýblıkalyq advokattar alqasynyń, Adam quqyqtary jónindegi ýákiliniń basshylyǵymen, sondaı-aq Bas prokýratýra janyndaǵy Quqyq qorǵaý organdary akademııasy men Joǵarǵy sot janyndaǵy Sot tóreligi akademııasynyń ǵalymdary jáne oqytýshylarymen kezdesýdi josparlap otyr.
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
