Astanada negizgi kapıtalǵa salynǵan ınvestısııalardyń jyldyq kólemi 1,4 trln teńgeni qurady. Bul kórsetkish boıynsha óńirlerdiń bólinisinde elorda jetinshi orynda tur, dep habarlaıdy Egemen.kz qala ákimdiginiń resmı saıtyna silteme jasap.
«Astana Invest» arnaıy ekonomıkalyq aımaqtardy damytý departamentiniń dırektory Dııar Asqarov onlaın-brıfıngte AEA-nyń júrgizilip jatqan ınvestısııalyq saıasaty men damýy týraly aıtty.
Negizgi kapıtalǵa salynǵan ınvestısııalar kólemi 2022 jyly 1,4 trln teńgeni qurady (101,2%).
«Jan basyna shaqqandaǵy negizgi kapıtalǵa salynǵan ınvestısııalar 3,2% ósimmen 1 mln teńgeni qurady. Elorda sheteldik ınvestısııalardy tartý boıynsha 7-orynda. Búgingi tańda Astananyń ınvestısııalyq jobalarynyń biryńǵaı pýly quryldy, oǵan ınvestısııalardyń jalpy somasy shamamen 2,3 trln teńgeni quraıtyn 262 joba, 26 myńǵa jýyq jańa jumys orny quryldy, onyń ishinde óńdeý ónerkásibi salasynda – jalpy somasy 249,9 mlrd teńgege 82 joba, 7 myńnan astam jańa jumys orny quryldy», dedi spıker.
О́ńdeý kásiporyndaryn qoldaýda arnaıy ekonomıkalyq aımaqtar ózderiniń tıimdiligin dáleldedi. Astanadaǵy birinshi ındýstrıaldy parktiń tolyp ketkendigi, ekinshisiniń qurylysy júrgizilip jatqandyǵy aıqyn mysal bola alady.
Memleket basshysynyń tapsyrmasy boıynsha Úkimet AEA damytý boıynsha túbegeıli basqa saıasatqa kóshý boıynsha jumys júrgizip jatyr.
«Astana – jańa qala» AEA aýmaǵynda 5 871 turaqty jumys ornyn qura otyryp, 166 mlrd teńgege 50 joba jumys isteıdi. Iske asyrý satysynda 2 484 turaqty jumys ornyn qurýmen 63,5 mlrd teńge somasyna 40 joba bar.
«Astana-Tehnopolıs» AEA aýmaǵynda 32 turaqty jumys ornyn qura otyryp, 1 mlrd teńge somasyna 3 joba jumys isteıdi. Iske asyrý satysynda 10 joba bar», dedi Asqarov.
Engizilgen 50 jobanyń 11-i eksportqa baǵdarlanǵan. О́tken jyldyń toǵyz aıynda qala kásiporyndary 15 mlrd teńgege ónim eksporttady. Negizgi taýarlardyń qataryna elektrovozdar, arnaıy kıimder, lokomotıvter, t.b. ónimder Reseıge, О́zbekstanǵa, Ázerbaıjanǵa, Túrkııaǵa jetkiziledi.
Búgingi tańda №1 Indýstrııalyq parktiń ınfraqurylymy boıynsha qoldanystaǵy 49 jobanyń 21-i ortalyq jylýmen jabdyqtaýǵa qosylǵan. Ákimdik 100% ortalyqtandyrylǵan jylýmen qamtamasyz etti.
«№2 ındýstrııalyq park boıynsha master-jospar ázirlendi. Ony ázirleý úshin «Jurong» halyqaralyq sıngapýrlyq kompanııasy tartyldy. Injenerlik jelilerdiń júktemeleri boıynsha sońǵy jumystar júrgizilýde, yqtımal júktemelerdi anyqtaý úshin qalanyń kommýnaldyq kásiporyndarymen kezdesýler ótkizildi. Elektr, sý-káriz, gazben jabdyqtaý jelileri boıynsha tehnıkalyq sharttar alyndy. Ekinshi parktiń birinshi iske qosý kesheniniń birinshi kezeginiń qurylysy 2023 jyly josparlanyp otyr, qurylystyń tolyq aıaqtalýy 2030 jylǵa josparlanyp otyr», dep qorytyndylady spıker.
Koreıada ustalǵan ekinshi qazaqstandyq 15 jylǵa sottalýy múmkin
Qoǵam • Búgin, 14:11
Shyǵys óńirinde Ulttyq ulannyń bas áskerı tárbıeshisi taǵaıyndaldy
Aımaqtar • Búgin, 14:06
Almatyda depýtattyq korpýs 66,7% jańartyldy
Aımaqtar • Búgin, 13:48
TikTok-ta Naýryz merekesi týraly beınerolıkter 120 mln ret qaraldy
Qoǵam • Búgin, 13:34
Almatyda 105 myń turǵyn kólik salyǵyn tólemegen
Qoǵam • Búgin, 13:10
Álıhan Smaıylov alda atqaratyn jumystar jaıynda aıtty
Úkimet • Búgin, 12:55
Uqsas jańalyqtar
