Belarýs Premer-mınıstri Roman Golovchenko Eýrazııalyq ekonomıkalyq odaqqa múshe memleketterdiń derekterin berýdiń arnaıy jabdyqtalǵan qaýipsiz jelisin qurý jáne onymen qamtamasyz etý máseleleri boıynsha birlesip jumys isteýge kóbirek kúsh salýy qajet dep sanaıdy, dep jazady Egemen.kz.
Bul týraly ol Digital Almaty 2023 halyqaralyq sıfrlyq forýmy aıasynda EAEO elderi úkimet basshylarynyń qatysýymen ótken plenarlyq otyrysta aıtty.
«EAEO ıntegrasııalanǵan aqparattyq júıesiniń jalpy prosesteriniń daıyndyǵy jáne odaqqa múshe memleketterdiń arnaıy jabdyqtalǵan qorǵalǵan jelisin qurý boıynsha barlyq josparlanǵan jumystardy aıaqtaý – kezek kúttirmeıtin mindet», dedi Golovchenko.
Belarýs premer-mınıstri EAEO-daǵy áriptesterin osy jyldyń maýsym aıynda Eýrazııalyq ekonomıkalyq forýmda osy jumystyń nátıjelerin talqylaýǵa shaqyrdy.
«Qashyqtan memlekettik qyzmetterdi kórsetý tek bizdiń elde ǵana emes, bizdiń odaqtaǵy memleketterdiń barlyq azamattary úshin de damýy kerek», dedi Golovchenko.
Sondaı-aq ol EAEO aıasynda transshekaralyq senim keńistigin qurý mańyzdy qadam bolýy múmkin ekenin de aıtyp ótti.
Golovchenko bul úshin EAEO memleketteriniń elektrondyq sıfrlyq qoltańbany taný prosesin jedeldetý qajet ekenin, onsyz halyqty sapaly memlekettik qyzmettermen qamtamasyz etý jáne memlekettik organdar men memlekettik ınstıtýttardyń tıimdi jumysyn qamtamasyz etý múmkin emes ekenin túsindirdi.
«Úkimet basshylary jaýapty organdarǵa osyndaı tapsyrmalar berýge quqyly dep esepteımin - bul baǵyttaǵy qajetti jumystardyń aıaqtalýyn jedeldetý kerek», dedi ol áriptesterine.
Ol sondaı-aq sıfrlyq ekonomıka úshin kadrlar daıarlaýdyń mańyzdylyǵyn, osy maqsatta bilim berý qurylymyn udaıy jańartý, halyqtyń barlyq toptaryn sıfrlyq álemde ómir súrýge beıimdeý jumystaryn júrgizý qajettigin atap ótti.
«Men áriptesterimdi, EAEO elderiniń úkimet basshylaryn odaqtyń sıfrlyq kún tártibin damytý boıynsha jumysty jandandyrýǵa shaqyramyn», dedi Golovchenko.
Koreıada ustalǵan ekinshi qazaqstandyq 15 jylǵa sottalýy múmkin
Qoǵam • Búgin, 14:11
Shyǵys óńirinde Ulttyq ulannyń bas áskerı tárbıeshisi taǵaıyndaldy
Aımaqtar • Búgin, 14:06
Almatyda depýtattyq korpýs 66,7% jańartyldy
Aımaqtar • Búgin, 13:48
TikTok-ta Naýryz merekesi týraly beınerolıkter 120 mln ret qaraldy
Qoǵam • Búgin, 13:34
Almatyda 105 myń turǵyn kólik salyǵyn tólemegen
Qoǵam • Búgin, 13:10
Álıhan Smaıylov alda atqaratyn jumystar jaıynda aıtty
Úkimet • Búgin, 12:55
Uqsas jańalyqtar
