Densaýlyq saqtaý mınıstrliginiń «Jedel medısınalyq kómek kórsetý, onyń ishinde medısınalyq avıasııany tarta otyryp kórsetý qaǵıdalaryn bekitý týraly» buıryǵyna ózgeris engizildi, dep habarlaıdy Egemen.kz.
Buıryqqa sáıkes jedel járdem brıgadasynyń quramyna paramedık – alǵashqy kómek kórsetý boıynsha qosymsha fýnksııany oryndaı alatyn jáne shaqyrýlarǵa qyzmet kórsetý boıynsha jedel medısınalyq járdem brıgadalarynyń jumysyna qatysa alatyn alǵashqy kómek kórsetý boıynsha kásiptik daıarlyq kýrsynan ótken adam kiredi.
Halyqtyń sany 100 000 adamnan turatyn monoqalalarda jergilikti atqarýshy organdardyń qalaýy boıynsha derbes jedel medısınalyq járdem stansııalary uıymdastyrylady. Dárigerlik brıgadalardyń sany quramyna mamandandyrylǵan (dárigerlik), onyń ishinde balalar qarqyndy terapııa brıgadalary, beıindi brıgadalar (kardıologııalyq, pedıatrııalyq) kiretin brıgadalardyń jalpy sanynyń keminde 25% -yn quraıdy.
Búginde elimizde 1500-ge jýyq jedel medısınalyq járdem brıgadasy jumys isteıdi, onyń 18%-y mamandandyrylǵan dárigerlik brıgadalar. Taldaý kórsetkendeı, qanaınalym júıesiniń aýrýlary men balalardaǵy aýrýlarǵa baılanysty qıyndyqtar jıi kezdesedi.
Sondaı-aq jedel járdem stansııalaryna medısınalyq aqparattyq júıelerge qoljetimdilik beriledi, bul úılestirýshi uıym úshin medısınalyq kómek kórsetýde ıntegrasııany qamtamasyz etedi. Jedel járdem stansııalary 10 myń jáne odan az halyqqa shaqqanda 1 brıgadanyń esebinen brıgadalarmen jaraqtandyrylatynyn, al medısınalyq-sanıtarııalyq alǵashqy kómek uıymdaryndaǵy JMK bólimsheleri halyqtyń ótinishin eskere otyryp, 35 myń jáne odan az halyqqa shaqqanda 1 brıgadanyń esebinen brıgadalarmen jaraqtandyrylatynyn esterińizge salamyz.
Dıspetcherlerdiń aýyldyq eldi mekenderdegi shaqyrýlarǵa qyzmet kórsetýi úshin aýdandyq qosalqy stansııalarǵa mamandar, sondaı-aq jaqyn mańdaǵy medısınalyq uıymdardyń sanıtarııalyq avtokólikteri tartylýy múmkin.
Jergilikti atqarýshy organdardyń sheshimi boıynsha eldi mekenderde JMK fýnksııalary birlesip oryndaý sharty arqyly berilýi múmkin.
Bul ınnovasııalar JMK qyzmetiniń el halqyna shuǵyl medısınalyq kómek kórsetýdiń sapasy men qoljetimdiligin jaqsartýǵa múmkindik beredi.
О́skemende KamAZ tirkemesi jaıaý júrginshini qaǵyp ketti
Aımaqtar • Keshe
Elordadaǵy túngi klýbtardyń birinde mefedron satylǵan
Qoǵam • Keshe
Bratıslavada qazaqtyń kıiz úıi tigildi
Álem • Keshe
Bokstan ÁCh: Karına Ibragımova kúmis júldeger atandy
Boks • Keshe
Uqsas jańalyqtar
