Ulybrıtanııa ýnıversıtetiniń Aqtóbedegi fılıaly

Vedomstvonyń baspasóz qyz­meti habar­laǵandaı, Edınbýrg qala­synda ótken kezdesýde ta­raptar memorandým aıasynda jú­zege asatyn qadamdardy naq­­tylap, birlese atqaratyn ju­­mystar boıynsha jospar ja­sap­ty. Osy oraıda, bastama Memleket basshysy Qasym-Jomart Toqaevtyń joǵary bilim berý júıesin ekonomıkanyń suranystaryna saı qaıta formattaý jónindegi tapsyrmasyn oryndaý sheńberinde, onyń ishin­de jetekshi sheteldik joǵary oqý oryndarynyń fılıaldaryn ashý jolymen júzege aspaq.

Osydan eki aı buryn Uly­brı­tanııadaǵy Heriot-Watt ýnı­ver­sıtetiniń rektory Mark Bıggs Aqtóbege arnaıy ke­lip, oblys jáne Q.Ju­banov atyn­daǵy Aqtóbe óńirlik ýnıver­sı­tetiniń basshylyǵymen kezdes­ken bolatyn. Aqtóbe oblysy ákim­diginiń qoldaýymen Heriot-Watt ýnıversıteti Q.Ju­banov atyndaǵy Aqtóbe óńir­lik ýnıversıtetiniń baza­synda úsh («Munaı-gaz isi», «Elektrenergetıka», «Kompıýterlik ınjenerııa») bakalavrıat deńgeıindegi bilim berý baǵdarlamasyn ashady. Bul maman­dyqtar óńirdiń sura­nysyna qaraı tańdalyp otyr.

Joǵary oqý oryndarynyń arasyndaǵy seriktes­tik otandyq tehnıkalyq jáne IT-maman­dardy bir­lese daıyndaýǵa baǵyttalǵan. Oqýdy aıaqtaǵan stýdentterge Heriot-Watt ýnıversıteti men Q.Jubanov atyndaǵy Aqtóbe ýnı­versıtetiniń qos dıplomy be­riledi. Bul mamandyqtar uly­brıtanııalyq standart boıynsha oqytylyp, sapany Heriot-Watt ýnıversıteti baqylaıdy.

Talapkerlerdi qabyldaý kelesi oqý jylynda bas­talady. Aldaǵy ýaqytta joǵary oqý oryndary ara­syndaǵy aka­demııalyq utqyrlyq baǵdar­lamalary qarqyndy damıtyn bolady.