Ákimniń aıtýynsha, qalany damytý ınjenerlik ınfraqurylymdy salýmen qatar júrýi tıis. Bul sý, elektr, káriz jáne t.b. Qalanyń ómir súrý sapasy olardyń úzdiksiz jumys isteýine baılanysty. Aınalma joldy aralaý barysynda ol kárizdik tazartý qurylystarynyń, aýyz sý stansasynyń jáne t.b jumysymen tanysty.
Mysaly, Úrker (Ilınka) nóserli kárizderdiń úshinshi kezeginiń jobasyn jasaý ústinde. Jobanyń qýattylyǵy táýligine shamamen 45 myń m3 quraıdy. Jobany júzege asyrý Úrkerden, Qorǵaljyn tasjolynan jáne t.b. erigen jáne jańbyr sýyn shyǵarýdy qamtamasyz etedi.
«Sondaı-aq aǵyndy sýlardy tazartý qurylystaryn (KOS-2) jobalaý, ınjenerlik jelilerdi jańǵyrtý, elektr qosalqy stansııalaryn qaıta qurý jumystary júrgizilip jatyr. Sonymen qatar aýyz sý stansııasy (NFS-3), gaz jylý stansııalary jáne t.b qurylys jumystary júrgizilý ústinde. Bul tirshilikti qamtamasyz etý nysandaryn bıyl aıaqtaýdy josparlap otyrmyz. Máselen, aýyz sý stansııasynyń (NFS-3) ótkizý qabileti táýligine 100 myń tekshe metrden astam sýdy quraıdy», dep jazdy elorda ákimi.
