Jobany tapsyrý kezinde, obektidegi barlyq jumystar merdigerdiń jumysty jalǵastyrýdan bas tartýyna baılanysty toqtap qalǵan edi. Jabdyq tranzıttik aımaqta jınalyp, QHR shekarasynan óte almady.
Tasymaldaý rásimi aıaqtalǵannan keıin, jobalyq top tez arada jasaqtalyp, jumysqa jumyldyryldy, qural-jabdyqtardy jetkizý úshin logıstıka jolǵa qoıyldy, Qazaqstan Respýblıkasy Úkimetiniń qoldaýymen «jasyl dáliz» uıymdastyryldy.
«QazaqGaz» UK» AQ Basqarma tóraǵasy Sanjar Jarkeshovtiń aıtýynsha ulttyq kompanııa tarapynan halyqaralyq kompanııalardy tartý arqyly nysanǵa keshendi aýdıt júrgizildi. Keshendi aýdıt nátıjeleri boıynsha jobadaǵy kemshilikter men gaz óńdeý zaýytynyń senimdiligi men qaýipsizdigine áser etýi múmkin eleýli táýekelder anyqtaldy.
«GО́Z QazaqGazdyń senimgerlik basqarýyna berilgennen keıin, biz qarjylyq, tehnıkalyq jáne zańgerlik aýdıtter júrgizip, joba dızaınynda ınjenerlik qatelikterdi anyqtadyq. Olardy túzetýge májbúrmiz, tıisinshe júzege asyrý merzimine de áser etýde. Alaıda, QazaqGaz is júzinde GО́Z jobasyn senimgerlik basqarýǵa alyp, ótken jyldyń ekinshi jartysynda jumysqa kiriskenin eskersek te, aıtarlyqtaı progress bar», dedi Sanjar Jarkeshov.
QazaqGaz basshysy kompanııa táýekelderdi joıý úshin barlyq kúsh-jigerin jumsaıtynyn, biraq alda áli de úlken jumys bar ekenin atap ótti.
Qazirgi ýaqytta jobaǵa 700 adam jumyldyrylǵan, qurylysta 2100 adam, 300 birlik arnaıy tehnıka jáne 991 birlik jabdyq tartylatyn bolady. Paıdalanýǵa berilgennen keıin GО́Z óńirde 600 turaqty jumys ornyn ashýǵa múmkindik beredi.
Sonymen qatar, alǵashqy iske qosý kesheniniń temir joldary tartyldy, bul materıaldar men jabdyqtardyń ýaqtyly jetkizilýin qamtamasyz etýge múmkindik beredi.
«QazaqGaz» UK» AQ jabdyqtardy óndirý prosesiniń sapasyn baqylaý maqsatynda mamandandyrylǵan TUV Rheinland halyqaralyq kompanııasyn jumys barysyna tartty. Búgingi tańda jabdyqtyń 50 paıyzdan astamy daıyndalyp, 30 paıyzy GО́Z qurylys alańyna jetkizildi.
Qazirgi ýaqytta buryn bekitilgen jobalyq-smetalyq qujattamaǵa (JSQ) túzetýler engizildi. Jobalyq-smetalyq qujattamany túzetý kezinde mundaı jobalar boıynsha álemdik tájirıbe negizge alynyp, jabdyqtyń senimdiligi men qaýipsizdigi boıynsha barlyq kemshilikter eskerildi. Tehnologııalyq qural-jabdyqtar men prosester ónim sapasyna, sondaı-aq atmosferaǵa shyǵaryndylardy jáne energııa tutynýdy azaıtýǵa basa nazar aýdara otyryp, ońtaılandyryldy.
Sonymen qatar jetispeıtin jabdyqtar iske qosyldy, emıssııa kózderindegi, sondaı-aq sanıtarlyq-qorǵaý aımaǵynyń perımetri sheginde lastaýshy zattardyń shyǵaryndylaryn avtomatty baqylaý júıesi engizildi. Qazirgi ýaqytta jobalyq-smetalyq qujattama memlekettik vedomstvodan tys saraptamadan ótip jatyr.
Jobany basqarýdy jáne ınjenerlik qamtamasyz etýdi kúsheıtý úshin ınjınırıng salasyndaǵy álemdik kóshbasshylardyń biri Technip Energies tartyldy. Kompanııanyń profıldi mamandary joba komandasyna biriktiriledi.
Sondaı-aq 2023 jyldyń qańtar aıynda «QazaqGaz» UK» AQ Atyraý oblysynyń Maqat aýdanynda qoǵamdyq tyńdaýlar ótkizgenin atap ótken jón. Kezdesýde Qashaǵandaǵy gaz óńdeý zaýytyn salý jobasyn túzetý sheńberinde qorshaǵan ortaǵa yqtımaldy áser etýi talqylandy. Tyńdaýǵa aýdan turǵyndary, respýblıkalyq qoǵamdyq ekologııalyq uıymdar jáne jergilikti atqarýshy organdardyń ókilderi qatysty.
Osylaısha, joba operatorynyń jańa komandasy QR Úkimetiniń, QR Energetıka mınıstrliginiń jáne «QazaqGaz» UK» AQ qoldaýymen qurylysty tezdetip, anyqtalǵan kemshilikterdi joıady, sondaı-aq NCOC-men birlesip bıznes-modeldi qaıta qaraýdy jedeldetedi.
