Sháken Aımanovtyń áıgili bórki

«Aldar kóse» fılmi – Sháken Aıma­novtyń ózi basty keıipkerdiń rólin somdaǵan iri shyǵarmalarynyń biri. Sol fılmde Aldardyń basy­nan tastamaıtyn bórki esterińizde bolar. Qazaqtyń mańdaıyna bitken ja­ryq juldyzynyń teri sińgen qundy jádiger oıda joqta mýzeı qoryna tapsy­rylǵan eken. Bul bóriktiń mýzeı qyz­metkerleriniń qolyna túskenge deıingi tarıhy da qyzyq. Kınorejısser óziniń týǵan jeri – Baıanaýylda 1969 jyly «Naızatas baýraıynda» fılminiń ne­gizgi sıýjetterin túsirgeni málim. Keıin Al­matyda fılmniń túsirilimi aıaq­ta­lady. Biraq túsirý tobyna qosymsha kóri­nis qajet bolyp, olar Baıanaýylǵa qaıta jol tartady. Sóıtip, barlyq sharýasyn aıaqtap, keri qaıtyp bara jatqanda Pavlodar qalasyna aıaldasa kerek. Munda nemere aǵasy Oral Muzaparovtyń úıine qonaq bolǵan. Sodan rejısser keterinde «birneshe fılm­ge túsken áıgili bórigimdi tastap keteıin, menen káde bolsyn» dep úı ıesine osyny ustatqan eken. Týystary bórikti kóziniń qarashyǵyndaı saqtap, kóp jyl boıy saqtap kelipti. Osylaısha, ol búginde halyqqa ortaq estelikke aınalyp, kórgen jannyń esine sonaý 1965 jyly jaryq kórgen «Aldar kóse» fılmin túsiredi.

Mýzeı ádiskeri Álııa Samatovanyń aıtýynsha, negizi bul bórik kınony túsirý barysynda Sháken atamyzdyń basyna kishi bolyp shyqqan eken. Rejısser bas kıimniń artqy jaǵyna tilik jasap keńeıtipti.

Qordaǵy qundy jádigerler qatarynda Sháken Aımanovtyń 1970 jyly Más­keýde apatqa ushyrap, qaza bolǵan sátindegi byl­ǵary tony da saqtalyp tur.

PAVLODAR