Elimizge Ońtústik Koreıa prezıdenti resmı saparmen keledi

ASTANA. 18 maýsym. Ońtústik Koreıa prezıdenti Pak Kyn Heniń elimizge jasaǵaly otyrǵan sapary eki el arasyndaǵy qarym-qatynasty odan ári nyǵaıta túspek. Bul týraly egemen.kz tilshisi habarlady. Ońtústik Koreıa úshin Eýrazııanyń kindiginde ornalasqan Qazaqstannyń mańyzy zor. Elimiz ben Ońtústik Koreıa arasyndaǵy baılanys jaqsy jolǵa qoıylǵan. Sózimizdiń dáleli retinde atalǵan memleketten bizdiń elimizge shamamen 8 mlrd. dollar ınvestısııa tartylǵanyn aıtýǵa bolady. Qazirgi tańda ekijaqtyń aldynda birneshe iri jobalardy júzege asyrý mindeti tur. Bulardyń arasynda Balqash jylý elektr stansasyn salý, Atyraý oblysyndaǵy gaz-hımııa kesheni men Jambyl munaı ken ornyn ıgerý sekildi jobalar bar. Budan bólek, búginde elimizde ońtústikkoreıalyq kapıtaldyń qatysýymen 700-den astam birlesken kásiporyn jumys isteýde. Joldybaı Bazar. Derekkóz: egemen.kz. Foto: m.korea.net.