Mánshúk shaı ishken samaýryn

Áskerı dańq mýzeıi ata-babalarymyzdyń erlik jolyn jas urpaqqa nasıhattaýda erekshe kózge túsip júr. Potanın atyndaǵy ta­­rıhı-ólketaný mýzeıiniń qyz­­­­metkeri Je­ńisbek Qadyr­ulynyń aıtýynsha, jádiger 2014 jyly tapsyrylǵan. Ony «Maı­dan joly» izdes­tirý ja­saǵynyń múshesi, qo­ǵam bel­sen­disi Jumabek Qam­zın Ne­vel­den arnaıy alyp kelgen.

– Sol jyldary Reseı­­diń Pskov oblysy Ne­vel qala­syna ekspedısııa uı­ym­­dastyryldy. Ja­saq mú­sheleri qazaq jaýyn­ger­le­riniń erlik jasaǵan óńir­le­rin aralap, belgisiz ja­ýyn­gerlerdiń jerlengen zırattaryn izdestirdi. Re­seılik izdestirýshiler Mán­shúk Mámetova paı­dalanǵan samaýrynnyń tabylǵany týraly aıtqan eken. Sodan Jumabek aǵamyz ony attaı qalap surap alady da biz­diń mýzeıge ákelip tapsyrdy. Byltyr qazaqtyń ba­tyr qyzynyń týǵanyna 100 jyl tolýyna oraı mýzeı­de mektep oqýshylary men stý­dentterdiń, qala qonaq­ta­rynyń qatysýmen eske alý keshteri ótti. Onda osy já­­diger jóninde keńinen áń­gi­melenip, qaharmannyń ómi­­­rinen derekter aıtyldy. Samaýrynǵa qatysty tyń málimetterdi jınadyq. Dańq­­­ty pýlemetshi qyz paı­da­lanǵan jádiger búginde mý­zeı­den óziniń laıyqty ornyn tapty, – deıdi ol.

Mánshúk Mámetova 1943 jyly Nevel tú­binde er­­likpen qa­za tapqany ta­rıh­­tan bel­gili. Ekinshi dú­nıe­júzilik so­ǵys kezinde 95 áıel Keńes Odaǵynyń Baty­ry ataǵyn alǵan. Al onyń ekeýi qazaq qyzy edi. Urpaq ba­qyty, ult bolashaǵy úshin jan bergen apa­larymyzdyń erligi osyndaı jádigerler arqyly el esinde jańǵyra bermek.

PAVLODAR