«Qazirgi tańda Qazaqstandaǵy bas bostandyǵynan aıyrý mekemelerinde О́zbekstannyń 486 azamaty jazasyn ótep jatyr. Al О́zbekstanda Qazaqstannyń 20 azamaty túrmede otyr. Kóp jaǵdaıda ózge elde jazasyn ótep jatqandar tildi, jergilikti ádet-ǵurypty bilmeıdi. Adamdarmen qarym-qatynas olardyń basqa ortada bolýyna baılanysty qıyndaıdy. Týǵan-týys, dos-jarannan alys bolǵandyqtan, mundaı adamnyń qoǵamǵa beıimdelýi qıyn. Otbasymen tildesý, jaqyndarymen kezdesý sottalǵan adamǵa oń áser etetini sózsiz», dedi Áset Shyndalıev Senattyń jalpy otyrysynda.
Buǵan deıin Parlament Senaty О́zbekstanmen sottalǵandardy berý týraly kelisimdi ratıfıkasııalaǵany habarlanǵan edi.
