Iá, olaı deıtin sebebimiz elordadaǵy T.Aıbergenov atyndaǵy №16 mekteptiń 5-synyp oqýshylary «Meniń ata-anamnyń mamandyǵy» atty baǵdarlama aıasynda qalalyq arhıvpen tanysty. Jas oqyrmandarǵa arhıvtiń ishki jumystary kórsetilip, tarıhı muramyzdyń qundylyǵy baıandaldy.
Is-shara barysynda oqýshylarǵa qujattardyń qanshalyqty mańyzdy ekeni túsindirildi. Arhıvti qyzyǵa tamashalaǵan olar suraqtar qoıyp, qyzyq aqparattarǵa qanyqty. Fotosýretter arqyly elordanyń eski kelbetin kórgen balalar tańǵalysyn jasyrmady. Arhıvshi Aqsholpan Álimbaeva derekterdiń saqtalý júıesin aıtyp berdi.
Odan keıin oqýshylar qujattardy qaıta qalpyna keltirý úshin qandaı jaǵdaılar jasalatynyn kózben kórdi. Qujattardy qaıta qalpyna keltirý qyzmeti basshysynyń orynbasary Aıgúl Naǵashybekqyzynan qysqasha dáris te aldy.
Kezdesý sońynda Arhıv jumysy qyzmetiniń basshysy Ardaq Muqashqyzy oqýshylarǵa izgi tilegin bildirip, mekemeniń atynan «Elorda – táýelsizdik sımvoly» kitaby men «Arhiv habarşysy» jýrnalyn syıǵa tartty.
