Qazir Qazaqstan TJM qutqarýshylary tórt ýchaskede avarııalyq-qutqarý jumystaryn júrgizip jatyr. Búgingi tańda Qazaqstan TJM qutqarýshylary 7 adamdy qutqaryp, medısına qyzmetkerlerine tapsyrdy, dep habarlaıdy Egemen.kz TJM baspasóz qyzmetine silteme jasap.
Qaıtys bolǵan 14 adamnyń, onyń ishinde bir balanyń denesi úıindi astynan shyǵaryldy. Qazaqstan TJM Apattar medısınasy ortalyǵynyń dárigerleri zardap shekken adamdarǵa táýlik boıy alǵashqy medısınalyq kómek kórsetip jatyr.
Gazıantep qalasy birinshi eshelonnyń jumys júrgizý aýdany bolyp belgilendi. Munda jumystar táýlik boıy eki aýysymda úsh ýchaskede júrgizilýde.
Qutqarýshylardyń birinshi toby toǵyz qabatty ǵımaratta jumys júrgizip jatyr. Ǵımarat tolyǵymen qıraǵan, kınologııalyq eseptoptar barlaý jáne úıindilerdiń arasynan adamdardy izdeý jumystaryn júrgizýde. Bul jerde úıindilerdiń astynan 4 adam qutqaryldy, 4 qaza tapqan áıeldiń denesi shyǵaryldy.
Qutqarýshylardyń ekinshi toby alty qabatty ǵımaratta jumys istep jatyr. Ǵımarat ishinara qıraǵan, apatty, qıraý dınamıkasy baıqalady, turaqsyz qurylymdarǵa baılanysty ǵımarattardyń tolyq qıraý qaýpi bar. Ǵımarattyń 3-qabatyna deıin ınjenerlik tehnıkany paıdalana otyryp, demontaj júrgizildi, qaıtys bolǵan 5 áıeldiń denesi shyǵaryldy.
Úshinshi top ta alty qabatty ǵımaratta jumys júrgizýde. Ǵımarat tolyǵymen qıraǵan. Barlaý jáne úıindilerdiń arasynan adamdardy izdeý jumystary júrgizilip, qaıtys bolǵan áıeldiń denesi shyǵaryldy.
Ekinshi eshelon úshin izdeý orny Nýrdagy - Gazıantep qalasynan 69 shaqyrym jerdegi tolyǵymen qıraǵan ǵımarat bekitildi. Bul nysanda qazaqstandyq qutqarýshylar adamdardyń ornalasqan jeri men jaı-kúıin anyqtaý, úıindiler astynda zardap shekkendermen aýdıo baılanys ornatý, qajetti kómektiń kólemi men sıpatyn anyqtaý boıynsha jumystaryn júrgizdi. Qazaqstandyq qutqarýshylardyń úlken tereńdiktegi úıindilerdiń astynan zardap shekkenderdi evakýasııalaý úshin jol ashý jumystaryn oryndap, jedel jáne saýatty is - qımyldyń, sondaı-aq zardap shekkenderdi bloktan shyǵarý boıynsha ýaqytyly qabyldanǵan sharalardyń nátıjesinde búgin túnde kólemi 18 myń tekshe metrden astam úıindiniń astynan úsh tiri adamdy - er adam men eki áıeldi shyǵarýǵa múmkindik týdy. Adamdar dereý medısınalyq qyzmetterine jetkizildi.
Memleket basshysynyń tapsyrmasy boıynsha Hataı eldi mekenine qutqarýshylar toby jáne kınologııalyq eseptoptar jiberildi. Izdeý obektisi - tolyǵymen qıraǵan alty qabatty úı, úıindiniń kólemi 18 myń m3 asady.
Qutqarýshylardyń jumysy kóptegen úıindilermen, turaqsyz qurylymdarmen kúrdelene túsedi. Qazaqstandyq qutqarýshylar barynsha tıimdi jumys istep jatyr.
Qazirgi ýaqytta osy obektide úıindiniń astynan qaıtys bolǵan úsh adamnyń denesi shyǵaryldy, onyń biri – Qazaqstan azamaty, ekeýi – Túrkııa azamaty.
Izdeý-qutqarý jumystary áli de jalǵasady.
Álemde tabysy mıllıon dollardan asatyn baılardyń sany azaıdy
Álem • Búgin, 18:13
Munaı eksportynyń 80 paıyzy Kaspıı qubyr konsorsıýmy arqyly júzege asyrylady
Eksport • Búgin, 17:55
EO elderimen óńirlik saýda kólemi 49 mlrd dollarǵa jetti
Ekonomıka • Búgin, 17:40
Qazaqstanda eýropalyq kapıtal quıylǵan 3 myńnan astam kompanııa jumys isteıdi
Saıasat • Búgin, 17:32
Prezıdent kólik-logıstıkalyq ınfraqurylymdy damytýdyń mańyzyna toqtaldy
Prezıdent • Búgin, 17:17
Uqsas jańalyqtar
Onlaın 
