«Qazir UBT «suryptaý» sııaqty jumys isteıdi. Dese de ol talapkerdiń bilimin jaqsy ne nashar dep qana baǵalaıdy. Sondyqtan biz úshin eń durysy – SIT júıesine ótý. Al SIT sertıfıkattaryn maquldaý tipti de tıimdi sheshim bolar edi», dep túsindirdi mınıstr.
Onyń aıtýynsha, eger Qazaqstan SIT júıesin qoldanýǵa kóshse, talapker mindetti UBT tapsyrmaıdy. Onyń ornyna túlek avtorızasııalanǵan SIT ortalyqtarynda emtıhan tapsyryp, qajetti ball jınaýy kerek.
«Shetelde solaı. Biz de osy modelge kóshemiz. Ár bala óz aldyna maqsat qoıyp, soǵan jetýge umtylýy kerek», dedi Ǵylym jáne joǵary bilim mınıstri.
Qazir Qazaqstanda UBT júıesin SIT standarttaryna jaqyndatý jumystary júrip jatyr. Ol úshin bıyldan bastap «bes suraq – bir durys jaýap» formatyndaǵy suraqtardan bólek, talapkerdiń analıtıkalyq oılaý qabiletin tanytýyna negizdelgen saýaldar da engiziledi.
«Rasyn aıtqanda, ázirge budan artyq júıe oılap tappaǵandyqtan, ulttyq biryńǵaı testileý ótkizemiz. О́ıtkeni Qazaqstandaǵy bilim berý júıesi ortalyqtandyrylǵan. Al damyǵan elderde ár ýnıversıtet oqýǵa qabyldaý talaptaryn, ýaqytyn ózi belgilep, sol arqyly stýdentterdi jınaı alady. Sondyqtan eki mańyzdy bastamany qolǵa alyp otyrmyz. UBT formatyn halyqaralyq SIT standarttaryna jaqyndatý úshin Kembrıdj ýnıversıtetimen jumys istedik. Talapker óz bilimin kórsete alýy úshin synaqtaǵy mátindi jattap alýyna emes, ony túsinýge, jaýaptarǵa dedýksııa jasaýyna kóńil bólemiz. Bıyl bul formatty pılottyq synaqtan ótkizemiz dep oılaımyn», dedi Saıasat Nurbek.
