«Qazaqstan Respýblıkasy Prezıdentiniń «Qazaqstan Respýblıkasyndaǵy memlekettik josparlaý júıesi týraly» 2009 jylǵy 18 maýsymdaǵy № 827 jáne «Qazaqstan Respýblıkasyndaǵy memlekettik josparlaý júıesiniń odan ári jumys isteýiniń keıbir máseleleri týraly» 2010 jylǵy 4 naýryzdaǵy № 931 jarlyqtaryna ózgerister engizý týraly» Qazaqstan Respýblıkasy Prezıdentiniń 2014 jylǵy 17 maýsymdaǵy № 840 Jarlyǵyna
TÚSINDIRME
Qazaqstan Respýblıkasy Prezıdentiniń «Qazaqstan Respýblıkasyndaǵy memlekettik josparlaý júıesi týraly» 2009 jylǵy 18 maýsymdaǵy № 827 jáne «Qazaqstan Respýblıkasyndaǵy memlekettik josparlaý júıesiniń odan ári jumys isteýiniń keıbir máseleleri týraly» 2010 jylǵy 4 naýryzdaǵy № 931 jarlyqtaryna ózgerister engizý týraly» Jarlyq nátıjege baǵdarlanǵan Memlekettik josparlaý júıesiniń (MJJ) jetildirý tujyrymdamasynyń negizgi tásilderin iske asyrý úshin ázirlengen. Atap aıtqanda, Jarlyqta qujattardyń jańa baǵynystylyq satysyn úsh deńgeıge bóle otyryp qurý kózdelgen. Birinshi deńgeıdegi qujattarǵa túıindi basymdyqtary men baǵdarlary bar, el damýynyń uzaq merzimdi paıymyn aıqyndaıtyn qujattar – Qazaqstannyń 2050 jylǵa deıingi Damý strategııasy, Qazaqstan Respýblıkasynyń 10 jylǵa arnalǵan strategııalyq damý jospary, Eldi aýmaqtyq-keńistikte damytýdyń boljamdy shemasy, Qazaqstan Respýblıkasynyń Ulttyq qaýipsizdik strategııasy jatady. Ekinshi deńgeıdegi qujattarǵa aıadaǵy/saladaǵy damý strategııasyn aıqyndaıtyn qujattar – 5 jylǵa arnalǵan Áleýmettik-ekonomıkalyq damý boljamy, 5-10 jylǵa arnalǵan memlekettik baǵdarlamalar, salalyq baǵdarlamalar jatady. Úshinshi deńgeıdegi qujattarǵa qaıta qurylymdaý negizinde birinshi jáne ekinshi deńgeıdegi qujattarǵa qol jetkizý joldaryn aıqyndaıtyn qujattar – memlekettik organdardyń 5 jylǵa arnalǵan strategııalyq josparlary, 5 jylǵa arnalǵan óńirlerdi damytý baǵdarlamalary, ulttyq basqarýshy holdıngterdiń, ulttyq holdıngterdiń jáne ulttyq kompanııalardyń 10 jylǵa arnalǵan damý strategııalary jatady. Memlekettik josparlaý júıesi qujattarynyń nysanaly ındıkatorlary men nátıjeler kórsetkishteri osy baǵynystylyq satysyna súıene otyryp aıqyndalýy tıis. Bul rette, MJJ qujattar tizbesinen respýblıkalyq jáne jergilikti bıýdjet, ulttyq basqarýshy holdıngterdiń, ulttyq holdıngterdiń jáne ulttyq kompanııalardyń damý josparlary alyp tastalǵan. Sonymen qatar, ózgerister engizý QR Ortalyq komıssııasynyń oblystyq, Astana men Almaty qalalarynyń bıýdjetterinen qarjylandyrylatyn atqarýshy organdardyń strategııalyq josparlaryn ázirleýdi toqtatýdy kózdeıdi. Baǵdarlamalyq qujattardyń negizsiz ósýin tejeý maqsatynda salalyq baǵdarlamalardyń ázirlenýi QR Úkimeti bekitetin Tizbege qatań sáıkestilikke júzege asyrylý týraly norma engiziledi.Qazaqstan Respýblıkasy Prezıdenti Ákimshiliginiń Strategııalyq ázirlemeler
jáne taldaý ortalyǵy
Qazaqstan Respýblıkasy Prezıdentiniń Jarlyǵy
Qazaqstan Respýblıkasy Prezıdentiniń «Qazaqstan Respýblıkasyndaǵy memlekettik josparlaý júıesi týraly» 2009 jylǵy 18 maýsymdaǵy № 827 jáne «Qazaqstan Respýblıkasyndaǵy memlekettik josparlaý júıesiniń odan ári jumys isteýiniń keıbir máseleleri týraly» 2010 jylǵy 4 naýryzdaǵy №931 jarlyqtaryna ózgerister engizý týraly Qaýly etemin: 1. Qazaqstan Respýblıkasy Prezıdentiniń mynadaı jarlyqtaryna ózgerister engizilsin: 1) «Qazaqstan Respýblıkasyndaǵy memlekettik josparlaý júıesi týraly» Qazaqstan Respýblıkasy Prezıdentiniń 2009 jylǵy 18 maýsymdaǵy № 827 Jarlyǵyna (Qazaqstan Respýblıkasynyń PÚAJ-y, 2009 j., № 30, 259-qujat; 2010 j., № 20-21, 150-qujat; 2012 j., № 13, 231-qujat; № 68, 976-qujat; 2013 j., № 36, 529-qujat): joǵaryda atalǵan Jarlyqpen bekitilgen Qazaqstan Respýblıkasyndaǵy memlekettik josparlaý júıesi osy Jarlyqqa 1-qosymshaǵa sáıkes jańa redaksııada jazylsyn; 2) «Qazaqstan Respýblıkasyndaǵy memlekettik josparlaý júıesiniń odan ári jumys isteýiniń keıbir máseleleri týraly» Qazaqstan Respýblıkasy Prezıdentiniń 2010 jylǵy 4 naýryzdaǵy № 931 Jarlyǵyna (Qazaqstan Respýblıkasynyń PÚAJ-y, 2010 j., № 20-21, 150-qujat; 2012 j., № 68, 976-qujat; 2013 j., № 36, 529-qujat): 1-tarmaq mynadaı redaksııada jazylsyn: «1. Qosa berilip otyrǵan Qazaqstan Respýblıkasynyń strategııalyq damý josparyn, Eldi aýmaqtyq-keńistikte damytýdyń boljamdy shemasyn, memlekettik baǵdarlamalardy, memlekettik organdardyń strategııalyq josparlaryn, aýmaqtardy damytý baǵdarlamalaryn ázirleý, iske asyrý, monıtorıng, baǵalaý jáne baqylaý júrgizý qaǵıdalary bekitilsin.»; joǵaryda atalǵan Jarlyqpen bekitilgen Qazaqstan Respýblıkasynyń strategııalyq damý josparyn, Eldi aýmaqtyq-keńistikte damytýdyń boljamdy shemasyn, memlekettik baǵdarlamalardy, aýmaqtardy damytý baǵdarlamalaryn, memlekettik organdardyń strategııalyq josparlaryn ázirleý, iske asyrý, monıtorıng, baǵalaý jáne baqylaý júrgizý qaǵıdalary osy Jarlyqqa 2-qosymshaǵa sáıkes jańa redaksııada jazylsyn. 2. Osy Jarlyq onyń alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Prezıdenti N.NAZARBAEV. Astana, Aqorda, 2014 jylǵy 17 maýsym. № 840
