Túrkistan oblysyndaǵy «Qorǵas – Almaty – Taraz – Shymkent – Tashkent» tas jolynyń jabyq ýchaskesiniń aldynda 120 jeńil, 100 júk kóligi, 600-ge jýyq jolaýshy jáne 15 jolaýshylar avtobýsy jınalyp qaldy.
Túlkibas aýdanynda ystyq tamaqpen qamtamasyz etilgen 3 jylytý pýnkti ashyldy. Adamdar qajet bolǵan jaǵdaıda jylytý pýnktine jetkiziledi.
Jumysqa TJ, polısııa departamentteriniń, jergilikti atqarýshy organdardyń, jedel medısınalyq járdem brıgadasynyń kúshteri men quraldary jumyldyryldy.
Sondaı-aq Jambyl oblysynyń Jambyl aýdanynda «Almaty-Termez-Tashkent» tas jolynyń jabyq ýchaskesiniń aldynda (534-593 km) 150 jeńil, 250 júk kóligi jáne 30 jolaýshylar avtobýsy jınalyp qalǵan.
Munda da ystyq tamaqpen qamtamasyz etilgen 3 jylytý pýnkti ashyldy. AMO brıgadasy 15 adamǵa (qysym, bas aýrýy, stress) medısınalyq kómek kórsetti.
