«Biz magıstraldyq jelilerde, jetkizýshi jáne oramishilik jelilerde, stansııanyń ózinde qatar jumys isteý qajettigin túsinemiz», dep atap ótti aımaq basshysy.
Onyń aıtýynsha, tórt jylý magıstralin jóndeý boıynsha JSQ daıyndalyp, 15 aqpanda memlekettik saraptamadan ótedi. Stansııada segiz qazandyqty jóndeý boıynsha JSQ daıyndalyp jatyr: onyń beseýi – sý jylytqysh, úsheýi – energetıkalyq.
«5-6 aı daıyndaýdy qajet etetin jabdyqtyń negizgi túrlerine «Ekibastuzjylýoenergo» aksıonerleri tapsyrys berip qoıǵan», dedi oblys ákimi.
Asaıyn Baıhanovtyń sózinshe, 350 shaqyrymǵa jýyq jylý jelilerin jóndeý jumystary boıynsha jol kartasy bekitilip, jumys ýchaskelerin bólý jónindegi memorandýmǵa qol qoıylǵan.
Keńes sońynda QR Premer-mınıstriniń birinshi orynbasary Roman Sklıar jaqynda bolǵan apat kezinde 70 úıdiń 12 myń turǵyny jylýsyz qalǵanyn taǵy da eske salyp, qala bıligin Ekibastuz turǵyndaryn jylýmen qamtamasyz etý máselesin durys sheshý jolyn qarastyrýdy tapsyrdy.
