80 jylda bir fakýltetten 9952 shákirt bilim alyp shyqqan

Qazaq bilimi men ǵylymynyń kıeli ordasy – ál-Farabı atyndaǵy Qazaq ulttyq ýnıversıtetiniń shańyraq kótergenine bıyl 80 jyl toldy.Sonymen birge qoǵamdyq sanaǵa aqparat taratý arqyly qozǵaý salý ónerine úıretetin, ıaǵnı jýrnalıstik mamandyqqa mashyqtandyratyn fakýltettiń de qazaq topyraǵynda irgetasy qalanǵanyna 80 jyl boldy. Qos mereıli toıǵa arnalǵan «Ult sózgerleri ushqan uıa» atty kitapta osy jyldarda jýrnalıstıka fakýltetinde bilim alǵan barlyq túlek tizimi túzildi. Eger arasynda birli-jarym adamnyń aty kirmeı qalmasa, múmkindiginshe tolyq qamtylǵan bul tizbe boıynsha fakýltetimizde keshegi 2013 jylǵa deıin 9952 shákirt tárbıelenipti. Osy túlekter arasynan ult rýhanııatyna, memleketimizdiń múddesine erekshe eńbek sińirgen, jýrnalıstıka salasynda izi bar, aty urpaq jadynda jańǵyrǵan tulǵalardyń fotobeınesin, ómirbaıanyn, ol týraly estelikter, fakýltet ómirindegi stýdent pen stýdent nemese stýdent pen ustaz arasyndaǵy qyzyqty da taǵylymdy sátter, sonymen qatar, tarıhı qujattar men fotoaıǵaqtar da berildi. Olardyń bári hronologııalyq tártippen kitap maketi boıynsha qalyptaldy. Betteldi. Oqyrmanǵa meńzeý retinde aıtarymyz – jınaq halyqaralyq standarttar boıynsha shyǵarylǵan ensıklopedııa emes, anyqtamalyqqa da jatpaıdy. Zertteý eńbek sharttaryna da kelmeıdi. Bul fakýltetimizdiń 80 jyldyq mereıtoıyna arnalǵan, joǵaryda atalǵan basylymdarǵa tán erekshelikter toǵysqan mereıtoılyq jınaq. Bul – fakýltetimizdiń shejire-kitaby. Eger oqyrman tarapynan usynystar men tilekter túsip jatsa, aldaǵy mereıtoıǵa arnalǵan ujymdyq eńbekte eskerýge daıynbyz. Kitaptyń atyna sońǵy kezde aqparat quraldarynda aıtylyp júr­gen «sózger» degen jańa ataý qoldanyl­dy. Bul ataý «sóz zergerleri» degen tirkesten týyndaǵan, shamasy. Fakýl­tette qazir jýrnalıstıka mamany ǵana daıarlanbaıdy. Munda baspagerler de, qoǵammen baılanys mamandary da, BAQ bezenshileri de, osy salalardyń bolashaq ǵalymdary men ustazdary da bilim alady. Olardyń bári de sóz ıeleri. Sondyqtan, bárine ortaq ataý retinde «sózger» termıni qolaıly boldy. Kitapty baspaǵa daıyndaǵan «Qu­zyretti baspager» ortalyǵy. Jalpy redaksııasyn basqarǵan – fılologııa ǵylymdarynyń doktory, professor О́mirhan Ábdımanuly; bezendir­gen Qoıshybek Múbárák; túlekter tizimin túzgender: R.Jaqsylyq­bae­va,­ N.Danae­va; Kitapty alamyn deý­shi­­ler jýrnalıs­tıka fakýltetiniń «Qu­zyretti baspager» ortalyǵyna habarlasýyna bolady. Saǵatbek  MEDEÝBEKULY, Ál-Farabı atyndaǵy Qazaq ulttyq ýnıversıteti  jýrnalıstıka fakýl­tetiniń kafedra meńgerýshisi, fılologııa ǵylymdarynyń kandıdaty. ALMATY.