Jedel izdestirý sharalary barysynda polıseıler ınternet arqyly shaǵyn paketterge oralǵan esirtki zattaryn satqan jáne jasyryn jerge ornalastyrǵan adamnyń jeke basyn anyqtady. Ustaý kezinde jas jigitten aq tústi untaq zaty bar 5 býma tabylyp, tárkilendi. Turǵylyqty jeri boıynsha kúdiktiden esirtki zattary salynǵan paketter, sondaı-aq olardy býyp-túıýge arnalǵan zattar tárkilendi.
Saraptama nátıjeleri boıynsha ustalǵan adamnan eń qaýipti & – PvP sıntetıkalyq psıhostımýlıator tárkilendi, onyń jalpy salmaǵy 1,4 keliden asady. Bul asa iri kólem bolyp sanalady. Qazirgi ýaqytta atalǵan derekke qatysty QR QK-niń 297-babynyń 3-bóliginde kózdelgen qylmys belgileri boıynsha sotqa deıingi tergep-tekserý júrgizilip jatyr. Kúdiktige qatysty qamaýǵa alý túrindegi bultartpaý sharasy tańdalyp, basqa adamdardyń qylmystyq áreketke qatysy anyqtalyp jatyr.
Aıyptalýshynyń múlki tárkilenip, 15 jylǵa deıin bas bostandyǵynan aıyrylýy múmkin.
