Alaıda osy qaıǵyly oqıǵadan 4 kún ótken soń, ana men bala úıindi astynan aman-esen tabylǵan. Jurt tańǵalysqan oqıǵa týraly Emre Býlýttyń reportajynda 33 jastaǵy áıel jer astynda ótken kúnderi týraly aıtyp bergen.
- Jer silkinisi kúsheıgen saıyn bólme dirildep, qabyrǵalar setineı bastady. Kúıeýim basqa bólmede bolatyn. Oǵan barǵym kelgen edi ǵımarat qozǵalyp ketti. Jer silkinisi toqtaǵan kezde men tómendegi qabatqa qulap túskenimdi bilmedim. Aıqaılap edim eshkim jaýap bermedi, - dedi ol.
Sodan keıin Nekla balasy qolynda ekenin biledi. Ol Iаǵyzdyń áli de dem alyp jatqanyn birden baıqaıdy. Olardyń janyna qulaǵan shkaf ómirin saqtap qalǵan.
- Shańnyń áserinen bastapqyda tynys alý qıynǵa soqty. Biraq kóp uzamaı ol basyldy. Qoqystardyń astynda jyly boldy. Tońa qoımadyq. Biraq erkin qozǵalý, qımyldaý múmkin bolmady, - dedi áıel.
Ol daýystardy alystan estip, adamdardy kómekke shaqyrmaq bolyp aıqaılaǵan. Biraq eshkim kelmegen. Nekla eshkim kelmeýi múmkin ekenin túsinip, sol oıdan qorqyp ketkenin aıtady.
- Siz endi balaly bolǵan kezde kóp nárseni josparlaısyz, sodan keıin kenet bir-aq sátte úıindiniń astynda qalasyz. Jer astyndaǵy ómir... Soǵan qaramastan Iаǵyzǵa qaraýym kerek ekenin sezindim. Qozǵala almaǵandyqtan, ony emizý qıyn boldy, - dedi Nekla. Ol eshqandaı tamaq joq bolǵandyqtan, sharasyzdan óziniń emshek sútimen júrek jalǵaǵan.
- Sát saıyn otbasymdy, jaqyndarymdy oıladym. Olar aman qaldy ma eken dep ýaıymdadym. Men ózimniń tiri qalatynyma sengen joqpyn. Biraq qushaǵymdaǵy balam úmitimdi úzdirmedi. Ol kóbine uıyqtap jatty. Al jylap oıanǵan kezde emizip otyrdym, - dedi kelinshek.
Jer astynda 90 saǵattan astam ýaqyt ótkizgennen keıin Nekla ıtterdiń úrgenin estıdi. Odan keıin «Bári jaqsy ma? Eger solaı bolsa, belgi berińiz», degen qutqarýshylardyń daýysyn estigen. Sodan olardy taýyp, qutqaryp alǵan.
Bir qyzyǵy, Nekla men Iаǵyz aýyr fızıkalyq jaraqat alǵan joq. Nekla meniń ómirimdi saqtap qalǵan Iаǵyz deıdi.
«Meniń oıymsha, eger ulym myqty bolmaǵanda, men de tiri qalmas edim», dedi ol.
