Aqmola oblysy Atbasar aýdanyna jańa basshy bekitildi

ASTANA. 19 maýsym. Aqmola oblysnyń ákimi Sergeı Kýlagınniń ókimimen jáne aýdandyq máslıhat depýtattary kelisiminiń negizinde Andreı Nıkolaevıch Nıkıshov Atbasar aýdanyn basqaratyn boldy. Bul týraly akmo.gov.kz habarlady. Andreı Nıkolaevıch 1969 jyly burynǵy Selınograd oblysy Selınograd aýdany Kırov atyndaǵy keńsharda týǵan. Joǵary bilimdi. Selınograd aýylsharýashylyq ınstıtýtyn, Qaztutynýodaǵynyń Qaraǵandy ekonomıkalyq ýnıversıtetin bitirgen. Mal dárigeri ǵylymynyń kandıdaty. Eńbek jolyn 1990 jyly Selınograd qalasy «Prıma» kooperatıvtik ǵylymı-óndiris birlestiginiń mal dárigerlik sanıtary bolyp bastaǵan. Ár jyldary Selınograd aýdandyq mal dárigerlik stansııasy bastyǵynyń orynbasary, Aqmola oblysy mal dárigerlik komıtetiniń mamany, Aqmola oblysy mal dárigerlik baqylaý basqarmasynda basshy qyzmetterin atqardy. 1999 jylǵy qazan men 2002 jylǵy sáýir aralyǵynda Aýyl sharýashylyǵy mınıstrliginiń Aqmola oblystyq aýmaqtyq basqarmasynyń bólim bastyǵy – Aqmola oblysynyń bas mal dárigerlik ınspektory bolyp jumys istegen. 2002 jylǵy sáýirden bastap Aýyl sharýashylyq mınstrliginiń Aqmola oblystyq aýmaqtyq basqarmasy bastyǵynyń orynbasary, bastyǵy bolyp qyzmet atqardy. 2004 jyldyń naýryzynan bastap 2007 jylǵy qyrkúıek aralyǵynda Aqmola oblysy Egindikól aýdanynyń, 2007 jylǵy qyrkúıek pen 2008 jylǵy naýryz aralyǵynda Kókshetaý qalasynyń ákimi, 2008 jylǵy naýryz ben 2012 jylǵy tamyz aralyǵynda Stepnogorsk qalasynyń ákimi boldy. Sońǵy jyldary kásipkerlikpen shuǵyldandy. «Qurmet» ordeniniń ıegeri. Joldybaı Bazar. Derekkóz: akmo.gov.kz. Foto: nevizv.ru.