Memlekettik qyzmetke qyzyǵýshylyq báseńdedi me?

Sondaı-aq oblysta mem­lekettik qyzmette júr­gen áıelderdiń de sany az. Res­pýb­lıkada bul kórset­kish 56 pa­­ıyz bolsa, Túrkistan oblysynda 27 paıyz ǵana. Osyndaı derekter keltirgen Memlekettik qyzmet isteri agenttiginiń Túr­kistan oblysy boıynsha departament basshysy О́rken Balajanov brı­fıngte Memleket basshy­synyń mem­lekettik qyzmetke ornalasý­da artyq kedergilerdi joıý jáne memlekettik qyz­met­ten shyǵý tártibin jeńil­detý týraly tapsyrmasyna sáıkes tıisti zańǵa túzetý­ler engizilgenin atap ótti. «Mem­lekettik qyzmet árdaıym jańaryp otyrady. Bir adamdar densaýlyǵyna baılanys­ty ketip jatady, zeınetke shyǵatyndar bar. Sol oryndardy toltyrý kezinde min­detti túrde jastardy alý kerek. Bilikti mamandarǵa árda­ıym suranys bolady.

Jalpy, Túrkistan obly­syn­da memlekettik qyz­metke kelýshiler sany az. Degen­men ótken jyly konkýrsqa qaty­sýshylardyń sany art­qan. Máselen, 2021 jyly ót­ki­zilgen konkýrstarda 1 oryn­ǵa 3 adamnan kelse, 2022 jyly bul kórsetkish 4 bol­ǵan. Degenmen, báribir jalpy kórsetkish tómen», dedi О́r­ken Balajanov. Bul oraıda zańǵa engizilgen ózgerister oń septigin tıgizbek. Birinshiden, memlekettik grantpen oqý oryndaryn úzdik bitirgen túlekter aýdan men aýylda tómengi laýazymdarǵa konkýrstyq irikteýsiz tikeleı taǵaıyndalady. Bul bilikti jas­tardy memlekettik qyz­metke yntalandyrýǵa, jas mamandardyń aýdan men aýyldyq aımaqtarǵa oralýyna, sonymen qatar óńirlerdegi kadr tapshylyǵyn azaıtýǵa septigin tıgizip, memlekettik qyzmetke kirýdi jeńildetedi. Ekinshiden, «B» korpýsynyń joǵary laýazymdaryna ýáki­letti organnyń kelisi­mimen konkýrstyq irikteýsiz tikeleı taǵaıyndaý múmkin­digi be­rilip otyr. Bul birinshi bas­shylardyń óz qyzmet­shi­leri úshin jaýapkershiligin art­tyrady. Prezıdent janyn­daǵy Memlekettik bas­qarý akademııasynyń joǵary úlgerimin kórsetken túlek­teri oqýdy bitirgennen keıin bir jyl ishinde elordany qos­paǵanda, jergilikti organ­darǵa jekelegen laýazym­darǵa konkýrstyq irikteýsiz taǵaıyndaý qarastyryldy.

Sondaı-aq brıfıngte departament basshysy mem­lekettik qyzmet salasyndaǵy baqylaý jumystaryna, anyq­talǵan quqyq buzýshy­lyq­tarǵa toqtaldy. «Depar­ta­mentpen ótken jyly mem­le­kettik organdarda mem­leket­tik qyzmet týraly zań­namanyń saqtalýyna qatysty 54 baqylaý is-sharasy júr­gizilip, nátıjesinde 1 846 buzýshylyq anyqtalǵan. Buzýshylyqtardyń basym bóligi laýazymdyq ókilet­tikterin nusqaýlyq­tardy jasaý jáne bekitý tártibin qamtamasyz etý, memlekettik qyzmetshilerdiń qyzmettik tizimderin rásimdeý, son­daı-aq «B» korpýsynyń memle­kettik qyzmetshileriniń bos laýaz­ym­daryna konkýrs ótkizý qaǵı­dalaryn buzý, qyzmet­terin baǵalaýdy júrgizýdi qamtamasyz etý, tártiptik jaza qoldaný qaǵıdalaryn saq­tamaý jáne qyzmettik issa­parlar shyǵystary ótelý talaptaryn saqtaýdy qamta­ma­syz etý derekteri boıyn­sha oryn alǵan. Tekserý nátı­jesimen memlekettik organ­darǵa 34 uıǵarym engizilip, 15 tulǵa túrli tártiptik jaýap­kershilikke tartyldy», dedi О́.Balajanov.

О́tken jyly Ádep jó­nin­degi keńes otyrysynda qaralǵan tártiptik ister aldyńǵy jylmen salystyr­ǵanda 34 paıyzǵa azaıǵan. Budan bólek, memleket­tik qyz­met­shilerdiń Ádep kodeksi­niń talaptaryn buzý derekteri azaıǵan. Depar­ta­menttiń memlekettik kórse­tiletin qyzmetter sapasyna qatysty júrgizgen 33 baqylaý jumystarynyń nátıjesinde 2 511 tártip buzýshylyq anyqtalsa, onyń 1 121-i jergilikti atqarýshy organdarǵa qatysty. Osy rette departamenttiń usy­ny­symen memlekettik organ­dardyń 47 qyzmetkeri tár­tiptik jaýapkershilikke tartyldy.

«Oblysta memlekettik qyzmetshilerdiń tártiptik jaýapkershilikke tartylý jaǵdaılary azaıyp keledi. Máselen, 2021 jyly 1 915 mem­lekettik qyzmetshi tártip­tik jaýapkershilikke tar­tylsa, 2022 jyly bul kór­set­­kish 1 842 bolyp otyr. Onyń ishinde Ádep kodeksi­niń normalaryn buzý jaıy da birshama tómendegen. Bul da profılaktıkalyq jumys­tardyń kóbirek júrgizil­gen­digi­niń nátıjesi dep bilemiz. Al­daǵy ýaqytta bul ba­ǵyt­taǵy jumystardy jalǵas­ty­ra­­myz», dedi О́rken Balajanov.

Tártiptik jaýapkershi­likke tartylǵan memlekettik qyzmetkerler arasynda Jeti­saı aýdany kósh bastap tur. Shardara aýdany men Túr­kistan qalasynda da tá­rtip buzǵan memlekettik qyzmet­shiler kóp.

Túrkistan oblysy