Germanııaǵa munaı jetkizý jospary júzege asty ma?

Osydan bir aı buryn Energetıka mınıstri Bolat Aqsholaqov Qazaq­stan Germanııaǵa jylyna 6 mln tonnaǵa deıin munaı eksporttaı alatynyn aıtqan edi. «Biz jylyna 6 mln tonnaǵa deıin munaı eksporttaı alamyz. Degenmen Germanııanyń qajettiligi budan joǵary. Biz Reseı Federasııasyndaǵy áriptesterimizdiń resmı rastaýyn kúttik. О́ıtkeni ónim olardyń shekarasy arqyly ótedi. Qazirgi sátte aýyzsha rastaý aldyq. Sondyqtan problema bolmaýǵa tıis dep oılaımyn», dedi mınıstr BAQ ókilderiniń saýalyna oraı.

Negizgi másele – Germanııa tara­pynyń tutyný kólemine qatysty tapsyrysy. Bul jylyna 1,5 mln tonnaǵa deıin bolýy múmkin. Bir­aq jylyna 6 mln tonnaǵa deıin jetkizýge múmkindik bar. Mınıstr elimiz ben Reseı arasynda bul másele jóninen esh qıyndyq joq ekenin aıtty.

Buǵan deıin habarlanǵandaı, «QazTransOıl» AQ 2023 jy­y Germa­nııaǵa 1,2 mln tonna qazaqstandyq munaıdy jetkizý úshin «Transneft» kompanııasyna ótinim bergen.

Ortalyq kommýnıkasııalar qyz­metindegi baspasóz máslıhatynda aqpan aıynda Qazaqstannan Germa­nııaǵa 20 myń tonna munaı jetkizý josparyna qatysty suraq qoıyldy.

«Tıisti keste boıynsha aqpan aıynda atalǵan kólemdegi munaıdy jetkizý eskerilgen. Qazirgi kezde munaıdy jetkizetinder men satyp alýshylar arasynda kelissóz júrip jatyr. Osy oraıda tender jarııa­landy. Bul baǵytta qandaı da bir tehnıkalyq shekteýler joq. Ázirge 20 myń tonna jóneltilmedi. Degenmen osyǵan qatysty eleýli kedergiler baıqalmady», dedi A.Hasenov.

Sonymen qatar Energetıka vıse-mınıstri «QazMunaıGaz» jáne «Lýkoıl» kompanııalarynyń yntymaqtastyǵyna qatysty pikir bildirdi. Ortalyq kommýnıkasııalar qyzmetindegi baspasóz máslıhatynda «Qalamqas-teńiz, Hazar, Áýezov» jer qoınaýy ýchaskesin ıegrýde ne sebepti reseılik serikteske tańdaý túskeni týraly suraq qoıyldy.

A.Hasenovtiń aıtýyna qaraǵanda, bul joba aıasynda reseılik kompanııa tıimdi usynys jasaǵan. «Osy oraıda atalǵan kompanııa «QazMunaıGazdyń» strategııalyq seriktesi retinde anyqtaldy. Osy joba aıasynda Qazaqstanǵa qandaı paıda túsedi? Birinshiden, bul ken ornyn ıgerý birazdan beri qarastyrylyp kele jatyr. Kezinde biz ony Kaspıı jobasy boıynsha kelisim aıasynda ıgerýdi josparlaǵan edik. Biraq ekonomıkalyq turǵyda yntalandyrý tetikteri bolmaǵan soń, operator bul jobany memleketke qaıtardy. Sondyqtan tıis­ti jeńildikter berýdi kózdeıtin je­til­dirilgen kelisimshart tetigi en­gizildi», deıdi vıse-mınıstr.