Kezekti jıynda kóktemgi tasqynnyń aldyn alý maqsatynda júrgizilip jatqan ázirlik jumystary men tehnıkalyq jabdyqtardyń daıyndyǵy talqylandy.
Bıyl elimizdegi 255 eldi mekendi sý basý qaýpi bar. Onda 127 myńnan astam úı men 700 myńnan astam adam bar. Tótenshe jaǵdaılar mınıstrliginiń málimetinshe, Qazaqstanda apattyq jaǵdaıdaǵy 5 jáne jóndeýdi qajet etetin 73 sý qoımasy, qorǵanys bógenderi, platına men toǵandar bar. Olar isten shyǵatyn bolsa, halyqqa zor qaýip tónedi. Alaıda, byltyr 2021-2023 jyldarǵa josparlanǵan Jol kartasyndaǵy sý tasqynyna qarsy 68 is-sharanyń 41-i oryndalmaǵany belgili bolǵan.
«Elimizdegi 400-den astam gıdrotehnıkalyq qurylysty jóndeý qajet. Solaı bola tura, kommýnaldyq jáne jeke menshiktegi mundaı qurylystardyń basym bóligi jyldar boıy nazardan tys qalyp keledi. Tıisinshe, olardy jóndeý jáne jańǵyrtý is-sharalary sý salasyn damytý josparyna engizilmeı qalady. Osyndaı qurylystar 30 jyldan astam ýaqyt paıdalanyp keledi. Olardyń 70%-dan astamynyń tozyǵy jetip tur. Sondyqtan olardyń beriktigi men qaýipsizdik deńgeıi aıtarlyqtaı tómendedi. Sý tasqynyna qarsy aldyn alý is-sharalaryn josparlaý, sondaı-aq olardy qarjylandyrý isinde túıtkildi máseleler bar», dedi A.Platonov.
