Jarystyń ashylý saltanatyna Qorǵanys mınıstrliginiń basshylyǵy, Sport komıteti – Ortalyq sport klýbynyń ókilderi, Aqmola garnızonynyń áskerı qyzmetshileri qatysty.
Sportshylardy quttyqtaǵan Astana qalasy Dene shynyqtyrý jáne sport basqarmasynyń basshysy Samat Jylqybaev osyndaı is-sharalardyń mańyzdylyǵyn atap ótip, olarǵa jarqyn jeńister tiledi.
«Ult densaýlyǵy – kez kelgen memlekettiń tabystylyǵynyń kepili. XIII spartakıadany ótkizý – bul bizdiń salaýatty ómir saltyn nyǵaıtýǵa jáne el damýyna qosqan úlesimiz. Sizderge sporttyq jetistikter men kúsh- jiger tileımin», dedi Qorǵanys mınıstrliginiń apparat basshysy polkovnık Erbol Qumarbekuly.
Jappaı estafetalyq jarysqa qatysýǵa 39 komanda ótinim bergen. Jarys eki top boıynsha ótti. Birinshi topta chempıonat kýbogin Jaýyngerlik daıyndyq departamentiniń komandasy, ekinshi topta 32039 áskerı bólimi jeńip aldy.
