Naqtyraq aıtar bolsaq, ár eldiń komandalary 22 aqpannan bastap Kýzbass qalasyna bara bastaıdy. Al 23 aqpanda resmı jattyǵýlar bastalady. Oıyndardyń resmı ashylýy 25 aqpanda «Kýzbass» muz saraıynda ótedi. Jabylý saltanaty 4 naýryzǵa josparlanǵan. Bul joly myńǵa jýyq jas sportshy sporttyń 10 túrinen júldege talasady. Aıta keteıik, «Azııa balalary» arasyndaǵy alǵashqy qysqy sport oıyndary 2019 jylǵy 8-16 aqpan aralyǵynda Sahalın oblysynda ótken edi.
Sportty damytý dıreksııasynyń málimeti boıynsha, «Azııa balalary» 1996 jyly qazirgi Olımpııa oıyndarynyń 100 jyldyǵyna oraı uıymdastyrylǵan. Sodan beri 4 jylda bir ret jazǵy sport túrlerinen ótip keledi. Osy aralyqta Reseı men Azııanyń 30-dan astam memleketinen jas sportshylar baq synady.
