Sport • 19 Aqpan, 2023

Tatamı ústindegi tartys

364 ret

kórsetildi

6 mın

oqý úshin

Jaqsylyq Úshkempirov atyndaǵy Jekpe-jek sport saraıynda dzıýdodan 2006-2007 jyly týǵan jasóspirimder arasyndaǵy Qazaqstan chempıonaty óz máresine jetti. Respýblıkamyzdyń túkpir-túkpirinen jınalǵan jas balýandardyń tartysty beldesýlerin elorda jankúıerleri qyzyǵa tamashalady. Osy jarysta oza shapqan jetkinshekter erteńgi kúni ulttyq qurama sapyna alynyp, Olımpııa oıyndary, álem jáne Azııa chempıonattarynda el namysyn qorǵaýdan úmitti.

Álı BITО́RE

Keıingi jyldary elimizde dzıýdo sporty qarqyndy damyp kele jatqany barshaǵa málim. Sanaýly jyldardyń ishinde Qazaqstan sportshylary eki dúrkin Olımpııa oıyndarynyń kúmis júldegeri (Eldos Smetov), qola júldegeri (Galbadrah Otgonseseg), álem chempıony (Maksım Rakov), sondaı-aq Azııa birinshiligi men Azııa oıyndarynyń jeńimpazy men júldegerleri atandy. Odan bólek, talaı balýanymyz halyqaralyq «Grand Slem», «Gran Prı» jarystarynda qarsylastarynyń jaýyrynyn jer ıisketip, myqtylyǵymen daralanǵan bolatyn. Sonymen qatar jýyrda Fransııanyń bas shahary – Parıjde ótken dzıýdodan jyldyń alǵashqy «Grand Slam» jarysynyń aıasynda Qazaqstan dzıýdo federasııasy men Halyqaralyq dzıýdo federasııasy (IJF) álemdik «Grand Slam» týrnırlerin Qazaqstanda da ótkizý týraly kelisimge kelgeni de qazaq dzıýdosynyń álemdik arenada alar ornyn aıqyndap berdi.

Astanada ótken jasóspirimder arasyndaǵy jarysta da elimizde asa daryndy jas órenderdiń qalyń shoǵyry ósip kele jatqanyn anyq ańǵardyq. Tórt kúnge jalǵasqan el birinshiliginde Qazaqstannyń úsh mańyzdy qalasy men 17 oblysynan kelgen 900-ge jýyq balýan óz ónerlerin ortaǵa salyp, bas júlde úshin aıanbaı kúresti. Nátıjesinde, el chempıonatynyń jekeleı saıystarynda Jetisý oblysynyń órenderi myqtylyǵyn dáleldedi. Olar elorda tatamıinde 3 altyn jáne 3 qola medal oljalap, jalpykomandalyq esepte kósh bastady. Odan keıingi oryndarǵa Qaraǵandy oblysynyń balýandary (2 altyn, 2 kúmis, 4 qola) men Jambyl oblysynyń jampozdary (2 altyn, 1 kúmis) jaıǵasty. Jas balýandar 16 salmaq dárejesinde baq synady.

Al aralas komandalyq saıysta Qaraǵandy oblysynyń ókilderi úzdik shyqty. Fınalda qarsylastaryna ese jibergen Jetisý oblysynyń komandasy kúmis júldeni qanaǵat tutsa, Túrkistan oblysy men Jambyl oblysynyń dzıýdoshylary qola medalge ıe boldy. Qazaqstan chempıonatynyń qorytyndysy boıynsha 2023 jylǵy Qazaqstan jasóspirimder quramasy jasaqtalady.

Dzıýdodan jasóspirimder arasyndaǵy Qazaqstan chempıonatynyń jeńimpazy men júldegerleri:

Uldar:

50 kg: 1. Erhan Murat (Atyraý oblysy) 2. Ernur Batyrǵalı (Túrkistan oblysy) 3. Damır Syrlybaı (Túrkistan oblysy) 3. Nurbol Asqar (Jetisý oblysy);

55 kg: 1. Oralbek Baızaq (Qyzylorda oblysy) 2. Maǵjan Amanjolov (Aqtóbe oblysy) 3. Baǵdáýlet Qabdeshov (Almaty) 3. Qaırat Jeńisuly (Almaty oblysy);

60 kg: 1. Nursultan Ysqaqov (Jambyl oblysy) 2.Meırambek Dıdar (Qyzylorda oblysy) 3. Iztaı Temirlan (Almaty) 3. Nurgeldi Qanat (Mańǵystaý oblysy);

66 kg: 1. Islam Abaı (Shymkent) 2. Aqnıet Shaımenov (Shymkent) 3.Erkebulan Orynbaev (Qostanaı oblysy) 3. Nurtaza Tólegen (Qyzylorda oblysy);

73 kg: 1. Edil Erboluly (Almaty oblysy) 2. Nurbek Zaýza (Atyraý oblysy) 3. Ádilbek Birjanov (Almaty) 3. Baýyrjan Kemelqoja (Almaty oblysy);

81 kg: 1. Dosbol Balǵabaı (Qostanaı oblysy) 2. Sanjar Erulanuly (Qaraǵandy oblysy) 3. Gleb Azarov (Qaraǵandy oblysy) 3. Jasulan Saın (Mańǵystaý oblysy);

90 kg: 1. Aldııar Saın (BQO) 2. Dinmuhammed Nysanbaı (Qyzylorda oblysy) 3. Asqar Birjanov (Qaraǵandy oblysy) 3. Berikbol Jumanbekov (Abaı oblysy);

+90 kg. 1. Sherhan Alpanov (Qaraǵandy oblysy) 2. Ulan Qumarbaı (Almaty oblysy) 3. Álıhan Nazymhanov (Túrkistan oblysy) 3. Almas Temirqulov (Qaraǵandy oblysy);

Qyzdar:

40 kg: 1. Sabına Iýldasheva (Shymkent) 2. Tamıla Álıhanova (Abaı oblysy) 3. Zere О́tepqalı (Atyraý oblysy) Ásel Rýslanova (Atyraý oblysy);

44 kg: 1. Ińkár Quralbaı (Jambyl oblysy) 2. Gúlhan Shyńǵyshan (Atyraý oblysy) 3. Sapargúl Muhtarova (Astana) 3. Aızat Naýkenova (Qaraǵandy oblysy);

48 kg: 1. Nurbala Zaınýl (Túrkistan oblysy) 2. Alına Iаmasheva (Qaraǵandy oblysy) 3. Kıra Kegaı (Jetisý oblysy) 3. Marjan Kalmen (Almaty oblysy);

52 kg: 1.Aıaýlym Qaırat (Qaraǵandy oblysy) 2.Nuraı Baqyt (Qyzylorda oblysy) 3.Aıaýlym Qalmyrza (Túrkistan oblysy) 3.Karına Kogaı (Jetisý oblysy);

57 kg: 1.Nuraı Jeńis (Jetisý oblysy) 2.Aıaýlym Isaeva (Almaty) 3.Márýa Belbaeva (Almaty) 3.Shynar Bitimbaı (Atyraý oblysy);

63 kg: 1. Saǵıra Ádil (Jetisý oblysy) 2. Dılnaz Dosbergen (Jambyl oblysy) 3. Darııa Beısembekova (Túrkistan oblysy) 3. Jibek Jaısanbaı (Qyzylorda oblysy);

70 kg: 1. Sáýlemaı Saǵıtjan (Aqtóbe oblysy) 2. Anısa Ibatolla (Atyraý oblysy) 3. Arýjan Ábdiqalyqova (Aqtóbe oblysy) 3. Ámına Faızýlına (Astana);

+70 kg: 1.Nurshat Kemelhanqyzy (Jetisý oblysy) 2. Aıymzada Dýmanqyzy (Atyraý oblysy) 3. Kórkem Baqytbek (Qyzylorda oblysy) 3. Gúldana Teńelbaeva (Mańǵystaý oblysy).