Áleýmettik nysandardyń paıdasyna oraı TK qurylysyn joıý, úılerdiń qabatyn azaıtý, sondaı-aq Taldykól boıynsha másele kóterildi.
Qalada núkteli qurylystyń 18 negizgi problemaly obektisi bar. 13 nysan boıynsha máseleler turǵyndardyń tilekteri men ótinishteriniń paıdasyna sheshiledi, ıaǵnı TK mańynda mektepter, medısınalyq ortalyqtar, balabaqshalar, qoǵamdyq keńistikter bolady. Qalǵan 5 nysan boıynsha sot jáne kelissózder prosesi júrip jatyr.
Mysaly, Baıtursynov kóshesi, 7 (Haıvıl TK) mekenjaıynda jer ýchaskesinde buryn aıtylǵandaı, kóppáterli turǵyn úı kesheniniń ornyna mektep salynady. Sondaı-aq Qoshqarbaev dańǵyly men Aqyrtas kóshesi mańynda, ıaǵnı «Haıvıl» turǵyn úı keshenine qarama qarsy oqýshy oryndarynyń tapshylyǵyn azaıtý maqsatynda taǵy bir jalpy bilim beretin mektep salynady.
Kúmisbekov kóshesi, 9/2 úıiniń janynda 21 qabatty TK jáne parkıngtiń ornyna gúlzar salynady.
«Sport Towers» TK turǵyndarynyń ótinishi boıynsha eki mektep salynady (Alpamys TK men Alau TK arasynda jáne Barys-Arena muz aıdynyna ońtústik baǵytta).
Kezdesý qorytyndysy boıynsha qujattardy normalarǵa sáıkes keltirý, «Menin Elim Dala» QB jaýaptaryn usyný boıynsha birqatar tapsyrmalar berildi.
