Sportty damytý dıreksııasynyń baspasóz qyzmeti taratqan málimetke sáıkes, Qazaqstan ulttyq quramasynyń sportshylary Dohadaǵy týrnırde eki júldege qol jetkizdi. Áýeli «Lazer standart» sanatynda synǵa túsken Anton Gaas márege úshinshi jetip, dúnıejúzilik dodanyń qola júldegeri atandy.
Al taǵy bir otandasymyz Berik Qýbaev bas júldege synyq súıem qalǵanda súrinip, kúmis medaldi qanaǵat tutty. 470 klasynda synǵa túsken jerlesimiz márege ekinshi jetti. Aıta keteıik, Qatar astanasynda ótken jarysqa álemniń 7 elinen kelgen 70-ke jýyq sportshy qatysty.
