Elordadaǵy Ulttyq tennıs ortalyǵynda jasóspirimder arasyndaǵy «Davis Cup 16&under», «Billie Jean King Cup» jáne «World Junior Tennis Competition 14&under» týrnırleriniń irikteý saıystary máresine jetip, kóktemde 14 jáne 16 jasqa deıingiler arasyndaǵy komandalyq álem chempıonatynyń irikteý saıystaryna qatysatyn Qazaqstannyń jasóspirimder quramasy anyqtaldy.
Atap aıtqanda, 16 jasqa deıingi uldar arasyndaǵy jarysta Ámir Omarhanov, Zańǵar Nurlanuly baq synaıdy. Bul jas sanatyndaǵy úshinshi oıynshy keıin anyqtalady. Al qyzdar básekesinde Ińkár Dúısebaı, Polına Slepsova jáne Arıana Gogýlına kortqa shyǵady. Al 14 jasqa deıingi uldar arasynda Iаroslav Pshenıchnyı, Mansur Saıynov, Mıhaıl Mıshenko, qyzdar saıysynda Eva Korysheva, Erkejan Jańataeva jáne Sabına Shýhratova óner kórsetedi. «Davis Cup 16&under» jáne «Billie Jean King Cup» irikteý saıystary bıyl alǵash ret Qazaqstanda (Shymkent) ótedi.
