Skandınavııalyqtar júristerinen jańylǵan joq

Qysqy sport jarystarynda júlde bitkenniń bárin kúrep alatyn skandınavııalyqtar bul joly da aldaryna jan salmady. Máselen, erler arasyndaǵy jekeleı jarystyń úsheýinde 17 dúrkin álem chempıony, bes dúrkin Olımpııa oıyndarynyń jeńimpazy norvegııalyq sa­ıyp­qyran Iohannes Tınnes Be qarsylas shaq keltirgen joq. Belerdiń kishisi (Tareı Beniń inisi) Germanııada 10 shaqy­rym­dyq sprıntte, 12,5 sha­qy­rymdyq iz kesý jarysynda jáne 20 shaqyrymǵa jekeleı jarysýda márege birinshi jetti.

Al 15 shaqyrymdyq mass-startta 25 jastaǵy shvesııalyq Olımpıada chempıony Sebastıan Samýelsson tórt oq atý aı­la­ǵynda barlyq nysanany dál kózdep, Iohannes Beniń aldyn orap ketti. Bul synda ekinshi oryndy 2021 jylǵy álem chempıony Martın Ponsılýoma ıelense, oq atý kezeńinde nebári bir márte qıys ketken Iohannes Be úshinshi orynda qalyp qoı­dy. Shvesııalyq Sebastıan Sa­mýelsson óz karerasynda tuń­ǵysh ret álem chempıony atan­ǵanyn aıta ketken jón.

Erler arasyndaǵy 4×7,5 shaqyrymdyq estafetada qu­ramynda eki dúrkin Olımpıada chempıony Kanten Fııon Maıe, úsh márte álem birinshiliginde bas júlde oljalaǵan Emılen Jaklen, Beıjiń Olım­pıa­­da­synyń estafetadaǵy kúmis júl­degeri Faben Klod jáne álem chempıony Antonen Gı­gonna bar Fransııa quramasy chem­pıon atandy. Olar atalǵan qashyq­tyqty 1 saǵat 21 mınýt 48 sekýnd ishinde baǵyndyryp, oq atý kezeńinde tórt sportshy 10 márte nysanadan múlt ketti. Kúmis júl­de Fransııa quramasynan 38 sekýnd qalyp qoıǵan Norvegııa (Vetle Shostad Krıstıansen, Tareı Be, Iohannes Tınnes Be, Stýrla Holm Lagreıd) bıat­lonshylaryna buıyrdy. Úz­dik úshtikti Shvesııa quramasy túıin­dedi.

Áıelder arasyndaǵy básekede shvesııalyq Hanna Ebergtiń baq juldyzy jandy. Qysqy Olımpııa oıyndarynyń eki dúrkin jeńimpazy 27 jastaǵy Eberg 15 shaqyrymdyq jekeleı jarys pen 12,5 shaqyrymǵa jal­ǵasqan mass-startta birinshi boldy. 7,5 shaqyrymdyq sprınt­te 34 jastaǵy Beıjiń Olım­pıa­­dasynyń chempıony, ger­ma­nııalyq Denız Herrman-Vık, 10 shaqyrymdyq iz kesýde Fransııa quramasynyń maqtanyshy, álem chempıony, Olımpıadanyń kúmis júldegeri Jıýlıa Sımon altynnan alqa taqty.

Al 4×6 shaqyrymdyq estafetada Italııa quramasy (Samýela Komola, Doroteıa Vırer, Hanna Aýshentaller, Lıza Vıttossı) óz tarıhynda tuńǵysh ret álem chempıony atandy. Kúmis júldeni Germanııa (Vanessa Foıgt, Hanna Kebınger, Sofııa Shnaıder, Denıs Herrman-Vık) jeńip alsa, qola júlde shvesııalyq kvartetke (Lınn Persson, Anna Magnýsson, Elvıra Eberg, Hanna Eberg) buıyrdy.

Aralas estafetada Norvegııa quramasy (Ingrıd Tandrevold, Marte Olsbıý-Roıselann, Stýr­la Holm Legreıd, Iohannes Tın­nes Be) úzdik shyqsa, jekeleı aralas estafetada da skandı­na­vııalyqtar – Marte Olsbıý-Roıselann men Iohannes Tınnes Be bas júldeni eshkimge bergen joq.

Osylaısha, Oberhoftaǵy bıatlonnan bıylǵy álem chem­pıonatynyń jalpykomandalyq esebinde 5 altyn, 5 kúmis, 3 qola medal jeńip alǵan Norvegııa bıatlonshylary kósh bastady. Ekinshi orynǵa Shvesııa (3 altyn, 3 kúmis, 5 qola) sportshylary ornalassa, Fransııa quramasy (2 altyn, 2 qola) úshinshi orynǵa taban tiredi. Keıingi oryndarǵa Germanııa (1 altyn, 2 kúmis), Italııa (1 altyn, 1 kúmis, 2 qola) jáne Aýstrııa (1 kúmis) jaı­ǵasty. Jalpy, Germanııadaǵy álem birinshiligine 37 ulttyq qu­ra­manyń 308 bıatlonshysy (erler – 164, áıelder – 144) qatysty. Olardyń qatarynda Qazaqstan bıatlonshylary da bar ekenin aıta keteıik.