Árıne, bul jeńis Qazaqstan halqy, sport jankúıerleri úshin iri jetistik bolǵanymen, halyqaralyq arenadaǵy jetistiktermen salystyrǵanda, qatardaǵy jeńisterdiń biri ekeni belgili. О́ıtkeni bir ǵana jeńil atletıka sportynan álem chempıonatynda 49 júlde jıyntyǵy sarapqa salynatynyn eskersek, Noranyń jeńisi 49 jeńistiń tek bireýi ǵana. Iаǵnı, odan bólek, taǵy da birneshe sportshy álem chempıonatynyń bas júldesin oljalaıdy. Kásipqoı boksta da dál solaı. Ol jaqta, tipti aı saıyn sý jańa chempıon shyǵyp jatady. Biraq altyn belbeýdi ózinde uzaq ýaqyt saqtap turatyndardyń qatary saýsaqpen sanarlyq.
Al álemdegi elıtaly sporttyń birine jatatyn tennıs týrnırlerinde top jarǵan sportshylardyń mártebesi álem jankúıerleri aldynda qashanda bıik turady. Byltyr Ulybrıtanııadaǵy «Ýımbldon» jarysynda top jaryp, bıylǵy Aýstralııa ashyq chempıonatynyń fınalyna deıin jetken dańqty tennısshimiz Elena Rybakına bul jetistigimen Qazaqstandy dúnıe júzine tanytyp qana qoımaı, el tennısine úlken serpilis ákeldi. Otandasymyzdyń jeńisin álem basylymdary jarysa jazdy. О́ıtkeni ol – Ortalyq Azııa elderinen shyqqan alǵashqy chempıon. 23 jastaǵy tennısshimizdiń aıtýly jeńisi halyqaralyq arenada eleýsiz qalmaýǵa tıis edi.
Taıaýda 20 jyldan asa tarıhy bar álemdegi eń mártebeli baıqaýlardyń biri «Laureus World Sports» Elena Rybakınany «Jyl serpilisi» atalymy boıynsha úmitker sportshylardyń tizimine qosty. Bul marapat sport áleminde bir jyl bederinde mańyzdy jeńiske qol jetkizgen sportshylarǵa beriledi. Atalǵan uıym 1999 jyldan beri jyl úzdikterin marapattap keledi.
Jeńimpazdardy anyqtaý eki kezeńnen turady. Birinshi kezeńde 80-ge jýyq eldiń bedeldi sport redaktorlary, jýrnalısteri jáne kommentatorlary «Laureus World Sports» usynǵan úmitkerlerge daýys berip, ár atalym boıynsha ekinshi kezeńge joldama alǵan sportshylardy iriktep beredi. Sodan keıin «Laureus World Sports» akademııasynyń músheleri jasyryn daýys berý arqyly jeńimpazdardy tańdaıdy. Árbir jeńimpaz «Cartier» zergerlik úıi usynǵan «Laureus» músinine ıe bolady.
Bıylǵy «Jyl serpilisi» atalymyna tennısten Qazaqstan áıelder quramasynyń kóshbasshysy, álemniń 10-raketkasy Elena Rybakınadan bólek, tennısten byltyrǵy AQSh ashyq chempıonatynyń jeńimpazy, álemdik reıtıngti birinshi orynmen aıaqtaǵan 19 jastaǵy ıspanııalyq Karlos Alkaras, Qatardaǵy fýtboldan álem chempıonatynda sensasııa jasap, jartylaı fınalǵa deıin jetken Marokko ulttyq quramasy, mánerlep syrǵanaýdan Olımpııa oıyndarynyń jeńimpazy men júldegeri, álem birinshiliginiń úsh dúrkin chempıony 23 jastaǵy amerıkalyq Neıtan Chen, 25 jastaǵy nıgerııalyq áıgili jelaıaq, birneshe álemdik rekordtyń ıesi Tobı Amýsan jáne golf sportynan 2022 jylǵy Masters týrnıriniń jeńimpazy, álemdik reıtıngtiń kóshbasshysy, taǵy bir amerıkalyq sportshy, Skottı Sheffler bar.
Sondaı-aq «Jyl sportshysy» ataǵynan fýtboldan 2022 jylǵy álem chempıony Lıonel Messı (Argentına), «Altyn býtsy» ıegeri Kılıan Mbappe (Fransııa), «Úlken dýlyǵa» sanatyndaǵy týrnırlerde 22 márte úzdik shyqqan Rafael Nadal (Ispanııa), Formýla-1 jarysy boıynsha álem chempıony Maks Ferstappen (Belgııa), syryqpen sekirý boıynsha úsh márte álem rekordyn ornatqan Mondo Dıýplantıs (Shvesııa) jáne Ulttyq basketbol lıgasyndaǵy (UBL) «Golden Steıt Ýorrıorz» komandasyna segiz jylda tórt márte chempıondyq ataqty syılaǵan Stef Karrı (AQSh) úmitker.
«Jyldyń eń úzdik áıel sportshysynan» úmitkerler: 100 metrge júgirýden bes dúrkin álem chempıony Shellı-Enn Freızer-Praıs (Iаmaıka), 400 metrge kedergiler arqyly júgirýden Olımpıada chempıony jáne birneshe rekordtyń ıesi Sıdnı Maklaflın-Levron (AQSh), júzýden 2022 jylǵy álem chempıonatynda tórt altyn alyp, bas júldeler sany boıynsha rekord ornatqan (22 altyn) Ketı Ledekı (AQSh), áıelder arasyndaǵy «Altyn dop» ıegeri Aleksıa Pýtellas (Ispanııa), taý shańǵysy jarysynan Álem kýboginiń jeńimpazy Mıkaela Shıffrın (AQSh) jáne tennısten álemniń birinshi raketkasy Iga Sventek (Polsha).
«Jyl komandasynan» úmitkerler: fýtboldan úsh dúrkin álem chempıony (1978, 1986 jáne 2022 jyldary) Argentına quramasy, Chempıondar lıgasynda 14 márte (rekord kórsetkish) top jarǵan «Real» klýby, Ulttyq basketbol lıgasynyń tórt dúrkin jeńimpazy «Golden Steıt Ýorrıorz», Formýla-1 jarysynyń jeńimpazy «Mercedes», regbıden Fransııa jáne fýtboldan áıelder arasyndaǵy Eýropa chempıony Anglııa quramalary.
«Múmkindigi shekteýli jyl sportshysynan» úmitkerler: arbadaǵy tennısten «Úlken dýlyǵa» sanatyndaǵy jarystyń 9 dúrkin chempıony Dıede de Groot (Nıderland), para jeńil atletıkadan 100, 200, 400 jáne 800 metrge júgirýde álem rekordynyń ıegeri Ketrın Debrýnner (Shveısarııa), júzýden álem chempıony Kemeron Leslı (Jańa Zelandııa), para hokkeıden Olımpıada chempıony Deklan Farmer (AQSh), Gıgant slalomnan Beıjiń Paralımpıadasynyń tórt dúrkin chempıony Iesper Saltvık Pedersen (Norvegııa) jáne para bıatlonnan Olımpıada jeńimpazy Oksana Masters (AQSh).
«Jyl oralýynan» úmitkerler: jol apatyna ushyrap, 14 aıdan keıin qaıtadan úlken sportqa oralǵan amerıkalyq dańqty kásipqoı golf oıynshysy Taıger Výd, jaraqatyna baılanysty eki jyl sporttan qol úzip, byltyr «Golden Steıt Ýorrıorz» klýbymen UBL-nyń jeńimpazy atanǵan basketbolshy Kleı Tompson, norvegııalyq jelaıaq Iаkob Ingebrıgtsen, motosporttan jigerli jeńiske jetken Franchesko Banıaıa, dertimen kúrese júrip, áıelder arasyndaǵy «Týr de Frans» dodasynda dara shyqqan Nıderland veloshabandozy Annemıek van Vleýten. Sondaı-aq 2020 jylǵy fýtboldan Eýropa chempıonatyndaǵy matchta esinen tanyp, júregi bir sátke toqtap qalǵan danııalyq Krıstıan Erıksen 2022 jyly jasyl alańǵa qaıta oralǵan-dy.
