Kóshi-qon qyzmetiniń qyzmetkerleri Qaraǵandy-Sortırovochnaıa stansııasynda 26, 45 jáne 51 jastaǵy úsh áıeldi ustady. Tekserý barysynda ustalǵandardyń Qazaqstan Respýblıkasy men Reseı Federasııasynyń qos azamattyǵy bary anyqtaldy.
«Qaraǵandy qalasynyń Qazybek bı atyndaǵy aýdandyq sotynyń qaýlysymen Reseı azamattarynyń árqaısysy 428 820 teńge kóleminde ákimshilik aıyppul túrindegi jaýapkershilikke tartyldy», dedi Kólik polısııa basqarmasynyń birinshi orynbasary Madııar Aıtýǵanov.
Kólik polısııasynyń qyzmetkerleri quqyq buzýshylarǵa qatysty QR ÁQBtK-niń 496-babynyń 2-bóligimen «Shetel azamattyǵyn alý faktisi týraly zańnamada belgilengen merzimde habarlamaý» boıynsha ákimshilik hattama toltyrdy.
Aıta keteıik, Qazaqstan qos azamattyqty moıyndamaıdy.
