– Bul muǵalimderdiń eńbek jaǵdaıy men mektepterdegi bilim berý ortasyn baǵalaıtyn aýqymdy halyqaralyq zertteý. Osynda jınaqtalǵan málimetter pedagog kadrlardy daıarlaýda olardyń biliktiligin arttyryp, yntalandyrady. Sonymen birge oqý baǵdarlamasyn daıyndaýda paıdalanady, – deıdi Oqý-aǵartý mınıstrligi Bilim salasyndaǵy sapany qamtamasyz etý komıtetiniń basqarma basshysy Dınara Ábilqanova.
Ekonomıkalyq yntymaqtastyq jáne damý uıymy (EYDU) alty jyl saıyn muǵalimder men mektep dırektorlary arasynda saýaldama arqyly zertteý júrgizedi. Mundaı taldaý elimizdegi pedagogıkalyq korpýstyń sapasy men kem-ketigin anyqtaýǵa jáne muǵalimderdiń eńbek jaǵdaıy men mektepterdegi bilim berý ortasyna táýelsiz baǵa alýǵa múmkindik beredi.
Eske sala ketsek, Qazaqstan TALIS zertteýine alǵash ret 2018 jyly qatysyp, oǵan elimizdiń barlyq aımaǵynan 6 jarym myń muǵalim men 331 mektep dırektory óz pikirlerin bildirdi. Sondaı-aq pedagogterdiń senimdi ǵylymı-negizdelgen jáne halyqaralyq salystyrmaly derekteri alyndy. Ol «Pedagog mártebesi týraly» zańdy ázirleý kezinde eskerilip, Bilim jáne ǵylymdy damytýdyń 2020-2025 jyldarǵa arnalǵan memleket-
tik baǵdarlamasynda kórinis tapty.
