«Mamandardyń baǵalaýynsha, egistikterge mıneraldy tyńaıtqyshtar jetkiliksiz engizilgendikten, bizdiń dıqandar jyl saıyn 10 mıllıon tonnaǵa jýyq joǵary sapaly bıdaı óniminen aıyrylyp otyr. Topyraqtyń degradasııasy men egistiktiń aramshóptermen bitelýi ónim sapasy men sanyna keri áser etedi», dedi Premer-mınıstr Úkimet otyrysynda.
Sonymen qatar Úkimet basshysy Aýyl sharýashylyǵy mınıstrligine sharýalar arasynda durys túsindirý jumystaryn júrgizýdi tapsyrdy.
«Sýdy kóp qajet etetin egistik alqaptaryn qysqartý tetigi jetkilikti túrde ázirlenbegen. Sharýalar arasynda tıisti túsindirý jumystary júrgizilmegen. Osyǵan baılanysty Aýyl sharýashylyǵy mınıstrligi múddeli memlekettik organdarmen jáne oblys ákimdikterimen birlesip, osy baǵyttaǵy jumysty kúsheıtý qajet», dep túıindedi Premer-mınıstr.
