Sársenbiden beısenbige qaraǵan túni fýtboldan Chempıondar lıgasynyń 1/8 fınaldaǵy alǵashqy matchtary óz máresine jetti. Bıylǵy chempıondyqtan basty úmitkerlerdiń biri «Manchester Sıtı» Germanııaǵa sapar shegip, qolda turǵan jeńisinen aıyrylyp qaldy. Birinshi taımda Rııad Marez qonaqtardy esepte alǵa shyǵarǵanymen, ekinshi taımda horvatııalyq Ioshko Gvardıol «Leıpsıgke» teń nátıje syılady – 1:1.
Sondaı-aq qatar ótken ekinshi matchta «Inter» óz alańynda «Portý» klýbyn qabyldap, kezdesýdiń 86-mınýtynda Lýkaký soqqan jalǵyz goldyń arqasynda jeńiske jetti – 1:0. Qarymta matchtar 14 naýryzǵa josparlanǵan.
