El Prezıdenti joldaǵan hatta: «Qurmetti Aqjaıyq! Seniń jetistikterińe rıza boldym. Elimizdiń bolashaǵy óziń sııaqty belsendi ári talapty jastardyń qolynda ekeni anyq. Memleket óskeleń urpaqtyń bilim alýyna barlyq jaǵdaı jasap keledi. Osy múmkindikti tıimdi paıdalanyp, kóp oqyp, tynbaı izdený óte mańyzdy. Oqýdy jaqsy bitirip, myqty maman bolýyńa jáne el ıgiligine qyzmet etýińe tilektespin!», dep jazylǵan.
Aqordadan kelgen Prezıdenttiń haty men syılyǵyn stýdentke Qyzylorda oblysy ákiminiń orynbasary Nurymbet Saqtaǵanov tapsyrdy.
Aıta keteıik, stýdent Aqjaıyq Táji Prezıdenttiń jastarǵa kórsetilip otyrǵan qoldaýy úshin alǵys aıtyp, hat jazǵan. Memleket basshysynyń qoldaýymen júzege asyp jatqan jobalar nátıjesinde Aqjaıyq Táji halyqaralyq, respýblıkalyq deńgeıdegi jetistikterge qol jetkizgen.
