«Aıbarys»: maı shyǵarý – paıdaly is

Sharbaqty aýdanynda «Aı­ba­rys» kompanııasy rafı­nad­talǵan kúnbaǵys maıyn shyǵa­ra­tyn óndiristi jolǵa qoımaq nıette. Investor qazirgi kúni qajetti jer telimin rásimdep, iske kirise bastaǵan. О́ndiriste eń ozyq tehnologııalardy qoldanamyz dep qulshynyp otyrǵan kásip­ker kúnbaǵys tuqymyn tereń­de­tip óńdeý arqyly sapaly maı aıyryp alatynyna senimdi. Jańa kásiporyndy salý men jab­dyq­taý­dyń quny 20 mlrd teńgege baǵa­lanady. Bul qarajat­tyń 60 paıyzy – «Aıbarystyń» jeke ınves­tısııasy.

Pavlodar oblysy ákimi­niń orynbasary Serik Batyrǵo­jı­novtyń sózinshe, jobanyń nátı­jesinde, aımaǵymyz sapaly kún­­baǵys maıymen ózin tolyq qam­ta­ma­syz etedi.

– Kompanııanyń jobany júzege asyrýǵa degen isker­lik nıe­ti bizdi qýantyp otyr. Biz qajet qarajattyń 43 paıy­zyn jeńildetilgen nesıe nemese damý ınstıtýttary a­r­qyly alýdy usyndyq. Munda qolda­nylatyn tehnologııa damyǵan mem­le­ketterdiń zaýyt­ta­ryn­daǵydaı bolady. Inves­tor­dyń Sharbaqty aýdanyn tańdap otyr­ǵa­ny da teginnen tegin emes. Bul aýdan astyqty aımaq bol­ǵan­dyqtan kúnbaǵys dáni molynan ósiriledi. Ekinshiden, Reseı Federasııasy jaqyn. Ká­siporyn óz qýattylyǵyna shyq­qanda jer­gi­likti naryqtan ar­tylǵan ónimdi irgede turǵan Reseı eline de eks­porttaı alady. Jer­gi­lik­ti dı­qan­dar zaýytty qa­jet shı­ki­zatpen qam­tamasyz etýge qaý­qar­ly, deıdi ol.

Keleshekte zaýyt oryn tebetin jerde qazirgi kúni temirjol tar­tyla bastaǵan. Kúnbaǵys tuqymynan maı ajyratatyn ón­diris tolyq iske qosylǵanda ol aıyna 50 tonna ónim beredi dep kútiledi. Nátıjesinde, aımaǵymyz ózin ónimniń bul túrimen tolyqtaı qamtamasyz etýge qol jetkizedi.

Pavlodar oblysy agroóner­ká­sip keshenine ınvestısııalar tartý boıynsha sońǵy eki jylda respýblıkada aldyńǵy oryn­da turǵanyn aıtý kerek. 2022 jyldyń qorytyndysynda aýyl sharýashylyǵynyń negizgi kapıtalyndaǵy ınvestısııalar 1,2 ese ósip, 136 mlrd teńgeni quraǵan. Al azyq-túlik taýarlary óndirisine engizilgen ınves­tısııa kólemi 1,4 ese artyp, 6,7 mlrd teńgeni kórsetipti. Jalpy quny 22 mlrd teńge turatyn 16 iri ınvestısııalyq joba iske asyp, óńirdegi agrosektorda ja­ńa kásiporyndar, júzdegen jańa jumys oryndary paıda boldy. Aýyl sharýashylyǵyna jaýaptylar bıyl da bul údeden tómendemeımiz dep otyr.

О́ńirde órge baspaı turǵan jobanyń biri – qant zaýytynyń qurylysy. Qazaqstandaǵy qant tapshylyǵyn sheshedi dep senim artylǵan bul joba áý bastan-aq shetel ınvestorlarynyń kóme­gi­men júzege asýy kerek delingen. Alaıda shetelden kelissózge ke­lip jatqan bıznesmender QR zańnamasynda qarastyrylmaǵan usynystardy alǵa tartyp, jer berýdi surap otyrǵan kórinedi. Al Jer týraly zańnamada aýyl sharýashylyq jerlerin shetel aza­mat­taryna berýge tyıym sa­lynǵan.

«Pavlodar» ÁKK búginde bolashaq qant zaýytynyń jobasyn ázirleý ústinde. Jýyqta korporasııa fransııalyq ınvestormen alǵashqy kelissóz júrgizgen.

– Jobany qarjylandyrýǵa nıet tanytqan sheteldikter óz ın­ves­tısııasyn qorǵaýdy jáne shı­­kizatpen qamtamasyz etýdi talap etedi. Keıbiri aýyl sharýa­­shylyq maqsatyndaǵy jer te­lim­derin berýdi suraıdy. Shıki­zat­pen qamtý turǵysynda biz kompanııalarǵa óńirde qansha sýarmaly jer baryn, qandaı múmkindikter qarastyrylǵanyn baıandadyq. Qazirdiń ózinde úsh-tórt ınvestormen kelissózder júrýde. Onyń ústine bolashaq za­ýyttyń jobalyq-smetalyq qu­jat­­tamasy áli de ázirlený ús­tinde. Sondyqtan qazir naqty she­shimin aıtý qıyn, deıdi S.Batyrǵojınov.

Pavlodar oblysy