QYZYLAǴAShTYQTARǴA 95 TELEDIDAR TABYSTALDY

Búginde teledıdar kórý ja­ńa­lyq emes. Biraq, baspanasyz, bar jıǵan-tergeninen bir sátte ajy­raǵandar úshin bul úlken qýanysh. Teńiz – tamshydan demekshi tas­qynnan zardap shekken  qy­zyl­aǵash­tyqtarǵa kórsetilip jatqan áleýmettik-turmystyq jaǵdaı áli de jalǵasýda. Qolyndaǵy bary­men bólisip, munda atbasyn bur­ǵandar qa­ta­ry tolastamaýda. Qyzylaǵash aýy­lynda buǵan deıin 145 turǵyn jańa baspanaǵa ıe bolsa, qazir 215 úıdiń sha­tyry kóterilip, 147-siniń ishki árleý ju­­mystary aıaqtalýǵa jaqyn­dapty. Osy aıdyń basynda taǵy da 200 turǵyn jańa úılerge qonystanady dep josparlanǵan. Kúni keshe tasqynnan zardap shek­ken turǵyndardyń jaǵdaıyn jaqsartý maqsatymen “Atakent” AQ-qa qarasty “Aqnıet” qory­nyń ókilderi aýylǵa arnaıy ke­lip, syılyqtaryn usyndy. “Aq­nıet” qoǵamdyq qorynyń pre­zıdenti Baıan Jumashev atalǵan basqarma quramyna kiretin kásip­kerler 95 LG  “Fletron” túrli-tústi teledıdaryn turǵyndarǵa tapsyryp, ystyq iltıpattaryn ortaǵa saldy. Birinshi kezekte teledıdar ala­tyndar qataryna adam shyǵyny oryn alǵan 16 otbasy men kóp balaly ana­lar, birinshi, ekinshi, úshinshi top­tardaǵy múgedek otba­sy­lar qam­ty­lypty. Qıyn sátte baryn bólisip, qaıǵy men qýa­ny­shyna ortaq­tas­qan­darǵa jurt rıza bolyp jatyr. Má­selen, kór­shi­siniń kóligimen jańa tele­dıdardy úıine jetkizýge asyqqan Ornyq­baı Ýpraqymnyń qýanyshynda shek joq. Balalary kıno, mýlt­fılm kórgisi keledi. Teledı­dar­dy toqqa qosqanda úıdegi anten­na­nyń kúshi oblystyq “Jetisý” ar­na­synyń baǵdarlamasyn tara­týǵa jetti. Balalar qýanyp, qol soǵyp, máz. Aýyldaǵy mádenı-turmystyq qyz­met kórsetý jáne qalpyna keltirý ju­mystary áli de qyzý jal­ǵasýda. Kó­shelerge sý qubyry tartylyp, qudyq ornatylyp, halyq aýyzsýmen tolyq qamtyldy. Samaladaı jar­qyraǵan elektr shamdary da halyqtyń sura­nysyn qanaǵat­tandyrǵan. Sáý­letti, sándi úılermen qatar kó­she­lerdi jón­deý jumystary jalǵasyp, asfalt tóselýde. Qyzylaǵashtyqtarmen qatar Aq­toǵan men Eginsý aýyl­daryn­daǵy qu­rylys jumystary da qar­qyn alyp, munda 270 qurylysshy jumys isteýde. Aq­toǵan aýy­lyn­daǵy 56 úıdiń 6-ýy paı­dalanýǵa berilse, 35-iniń qab­yrǵasy qa­lanyp, 15-iniń shatyry ja­bylýda. Al, Eginsý aýylyndaǵy sa­lynýǵa tıisti 21 úıdiń 14-iniń qa­byrǵasy qalanǵan.  Endi biraz ýaqytta al­ǵash­qy úıler paıdalanýǵa beril­mekshi. Kúmisjan BAIJAN. Almaty oblysy.