Erdoǵan jer silkinisi kezinde qutqarýshylardyń tez kómek kórsetýine nashar aýa raıy kedergi keltirgenin aıtty.
«Biz izdeý-qutqarý jumystaryn oılaǵandaı jyldam júrgize almadyq jáne sol úshin de keshirim suraımyn», dedi prezıdent.
6 aqpan kúni bolǵan jer silkinisinen 50 myńnan astam adam qaza tapqan.
Túrkııada jer silkinisi birneshe márte qaıtalandy. Sońǵy bolǵan jer silkinisinen 1 adam qaza taýyp, 100-den astam adam zardap shekti. Qazir Malatıada qutqarý jumystary júrip jatyr.
Álemdik bank 6 aqpandaǵy jer silkinisi Túrkııaǵa 34 mıllıard dollar kóleminde shyǵyn keltirgenin habarlady.
