Úkimet otyrysynda Premer-mınıstr Álıhan Smaıylov Ekologııa mınıstri Zýlfııa Súleımenovaǵa Shardara men Kóksaraı sý qoımalaryndaǵy jaǵdaıǵa qatysty suraq qoıdy. Mınıstr jaǵdaı baqylaýǵa alynǵanyn aıtty.
«Qazirgi tańda jınalǵan sý kólemi 5,1 mıllıard m2 quraıdy. Biraq aıta ketetin jaıt, biz byltyrǵy jyly rekonstrýksııasyn ótkizgen edik. Shardarada qalyptasqan jaǵdaı bizdiń baqylaýymyzda. Eger jaǵdaı ózgeretin bolsa, biz tıisti sharalardy qabyldaımyz. Kóksaraıda kóp sý jınaqtap júrgen joqpyz. Sonymen qatar Syrdarııanyń tómengi aǵysyna sýdy ótkizýdi joǵarylatý boıynsha jumystar atqarylyp jatyr. Osy másele sheshilgen jaǵdaıda Aral teńizine qaraı sýdyń ótkizilýin joǵarylatamyz. Biraq taǵy da aıta ketetin jaıt sońǵy aqpartqa sáıkes, sýdyń aǵyny birshama tómendegen. Iаǵnı bul Shardaraǵa kelip jatqan sýdyń kólemin edáýir tómendetetin bolady», dedi Zýlfııa Súleımenova.
Bul rette Premer-mınıstr sý qoımalaryndaǵy jaǵdaıǵa kúndelikti monıtorıng jasap otyrý qajettiligin atap ótti.
