Meteorologtardyń aıtýynsha, kóktemniń alǵashqy kúnderi bastalsa da, elimizdiń soltústik jartysynda aýa raıy áli de sýyq. Munyń sebebi - belsendi Atlantıkalyq sıklon men sýyq atmosferalyq fronttar. Ol qar, kóktaıǵaq, tuman, boran, ekpindi jel túrinde jaýyn-shashyn týdyrady.
Tek 2 naýryzda ońtústik oblystarda jaýyn-shashynsyz aýa raıy saqtalady, odan keıin aýa raıy turaqsyz bolady, jaýyn-shashyn (jańbyr, kóktaıǵaq), tuman kútiledi.
«Fronttar áserinen Qazaqstannyń soltústik jartysynda túnde aýa temperatýrasy 10-20 gradýs aıazǵa, al ońtústik jartysynda túnde 7 gradýs aıaz - 2 gradýs jylyǵa deıin tómendeıdi dep kútiledi», delingen habarlamada.
