Qazaqstandyq delegasııa Saýd Arabııasy Koroldiginiń Energetıka mınıstri hanzada Abdulaziz bin Salman Al-Saud jáne «Saudi Aramco», «SABIC» jáne «ACWA Power» sııaqty iri kompanııalardyń basshylarymen kezdesti.
Kezdesý barysynda Memleket Basshysy Qasym-Jomart Toqaevtyń tapsyrmasyn oryndaý sheńberinde QR Energetıka mınıstrligi, «Samuryq-Qazyna» AQ jáne «ACWA Power» arasynda jańartylatyn energııa kózderi (JEK) boıynsha jobany iske asyrý qaǵıdattary týraly kelisimge qol qoıyldy.
Qol qoıylǵan kelisim Jetisý (Jońǵar qaqpasy) oblysynda jalpy qýaty 1 GVt jel elektr stansııasyn damytýǵa, qarjylandyrýǵa, salýǵa jáne paıdalanýǵa baǵyttalǵan, qurylysty 2025 jyly bastaý josparlanýda.
Jobany iske asyrý Qazaqstannyń «jasyl» ekonomıkaǵa kóshý tujyrymdamasymen bekitilgen nysanaly ındıkatorlarǵa qol jetkizýge, jańa jumys oryndaryn qurýǵa, qosymsha ınvestısııalar tartýǵa, sondaı-aq elde «jasyl» elektr energııasyn óndirýdi ulǵaıtýǵa múmkindik beredi dep kútiledi.
Sondaı-aq kezdesý sheńberinde munaı-gaz jáne munaı-gaz-hımııasy jobalaryn iske asyrý jáne damytý, onyń ishinde JEK-ti odan ári damytý máseleleri talqylandy.
Kezdesý qorytyndysy boıynsha taraptar eki el arasyndaǵy yntymaqtastyqty odan ári damytý úshin birlesken perspektıvalyq baǵyttardy aıqyndaı otyryp, vedomstvoaralyq kelisimge qol qoıý múmkindigin qaraýǵa ýaǵdalasty.
