BAQÝATTY ELDIŃ BALDYRǴANDARY QAShANDA BAQYTTY

Keshe “Nur Otan” HDP Tóra­ǵa­synyń birinshi orynbasary Nur­lan Nyǵmatýlın Jambyl obly­synda boldy. Partııa Tó­ra­ǵasy birinshi orynbasarynyń óńirge sapary 1 maýsym – Halyq­aralyq balalardy qorǵaý kúnine sáıkes kelgendikten bo­lar, ol oblys jaǵdaıymen ta­ny­sýdy eń aldymen Q.Sary­mol­daev atyn­daǵy №1 balalar úıinen bastady. Baqýatty eldiń baldyrǵandary qashanda baqytty. Desek, Q.Sary­mol­daev atyndaǵy balalar úıin­degi tárbıelenýshilerdiń kóılegi kók, tamaǵy toq. Munda olardyń sapa­ly bilim, sanaly tárbıe alýyna barlyq jaǵdaı jasalǵan. Beıneleý jáne dekoratıvti-qol­danbaly óner, sport, kórkem gım­nastıka, eńbekke baýlý, lıng­vıstıka sala­la­ry boıynsha 16 úıirme tabysty jumys atqarýda. Aıta ketý kerek, 1 maýsym – Halyqaralyq balalardy qorǵaý kúni elimizdiń barlyq óńirindegi balalar úıiniń tárbıelenýshileri nurotandyqtardyń basty na­za­ryn­­­da boldy. Bul kúni “Nur Otan” HDP aýqymdy aksııa ót­kizdi. Par­tııa Tóraǵasynyń birinshi oryn­ba­sary ózin qaýmalaı qorshap alǵan beıkúná balalarǵa Elbasy Nur­sul­­tan Nazarbaevtyń sálemin jetkizip, syılyqtaryn tabys etti. Ár ult pen ulys ókilderiniń baýyrynan shyqqan ba­lalardyń qazaq tilindegi taq­paqtaryn tyń­dady. Osy ba­lalar úıiniń túlekteri uıymdastyrǵan, búginde elimizge tanymal “Mereı” tobynyń sha­byttana shyrqaǵan “О́z elim” ánin súısine tyńdap, rızashylyqpen qol soqty. Elbasy Nursultan Nazarbaev­tyń tapsyrmasy boıynsha “Nur Otan” HDP mańyzdy memlekettik baǵdar­la­malardyń júzege asy­rylýyn maq­satty túrde ba­qylaý jumysyn jemisti jal­ǵas­tyrýda. Bul baǵytta údemeli ındýs­trııa­lyq-ınno­va­sııa­lyq damý baǵdar­lamasyna arnalǵan nysandarynda qurylǵan partııalyq baqylaý beketteri men “Jol karta­synda” tıimdi jumys atqarylýda. “Jol kartasy: eńbekpen qam­tamasyz etý” baǵdarlamasy aıa­syn­da sheshilýge tıis jumys­syz­dardyń eńbekpen qamtamasyz etilýi, azamattardy qosymsha mamandyq boıynsha qaıta daıarlaý jaıy da “Nur Otan” partııa­sy­nyń turaqty baqylaýynda. N.Nyǵmatýlın 50 adamdy elek­tor­mehanıkalyq qu­ryl­­­ǵy­lardy jóndeý, qyzmet kórsetý, paı­da­lanýǵa berý, sondaı-aq, qurylys jáne ǵımarattar men qury­lys­tardy paıdalanýǵa berý ma­man­dyqtary boıynsha kadr­lar­dy qaıta daıyndaý kýrstarynda oqytyp jatqan Jambyl polı­teh­nı­kalyq kolledjine de atbasyn burdy. Munda “Jol kartasy: eń­bekpen qamtamasyz etý” boıynsha memlekettik tapsyrys negizinde 120 adam tehnıkalyq maman­dyq­tar boıynsha qaıta daıyndyqtan ótýde. Oǵan kolledj dırektory B.Egemberdıeva bas­taǵan ujym jaýapkershilikpen qaraýda. “Nur Otan” HDP Tóraǵa­sy­nyń birinshi orynbasary, sondaı-aq, oblys ortalyǵyndaǵy turǵyn úı aýlalaryndaǵy kóriktendirý, kógerishtendirý jumystarymen de tanysyp, partııanyń oblystyq fılıal úıinde azamattardy jeke saýaldarymen qabyldady. Budan keıin Jambyl oblystyq fılıa­lynyń kezekten tys VIII kon­fe­ren­sııasyna qatysty. Kon­fe­ren­sııa jumysynyń kún tártibi boıyn­sha uıymdastyrý máselesi qara­lyp, onda “Nur Otan” HDP Jam­byl oblystyq fılıalynyń tóraǵasy bolyp Jambyl obly­synyń ákimi, partııa múshesi Qanat Bozymbaev biraýyzdan saılandy. Kósemáli SÁTTIBAIULY. Jambyl oblysy. “OTANDASTAR” AKSIIаSY BASTALDY 1 maýsymda elimizdiń barlyq aımaqtarynda halyqtyń usynystary men ótinish-tilekterin jınaý boıynsha “Nur Otan” HDP-nyń “Otandastar” respýblıkalyq aksııasy bastaldy. “Nur Otan” 2020 jylǵa de­ıingi partııanyń jańa baǵ­dar­la­masynyń jobasyn daıyndady jáne osy baǵdarlama jobasyna qosý úshin partııanyń kezekten tys HIII sezi qarasańynda usynystardy jınaý aksııasyn uıymdastyryp otyr. Aksııa eki kezeńde ótedi, birinshi kezeń – maýsym, ekinshi kezeń – shilde jáne tamyz aılary. Osy aksııa úshin arnaıy usy­nystardy jınaý boıynsha blank ázirlendi jáne ol osy aksııanyń negizgi belgisine aınalatyn bo­la­dy. Ár qazaqstandyq osy keń aý­qym­dy jobaǵa qatysa alady, bul úshin aksııa blankisin toltyrý qa­jet, blankke óz ıdeıalaryn, usy­nys­ta­ryn jáne partııanyń baǵdarlama­lyq qujatyna negiz bola alatyn mazalap júrgen máselelerdi jazýǵa bolady. Partııanyń barlyq fılıal­da­rynyń janynan sondaı-aq belgili jergilikti eldi mekenderde arnaıy “halyqtyń ótinish-tilekteriniń” jınaq ortalyqtary ashylady, ol ortalyqtarda barlyq nıet bil­dir­gen azamattar úshin blankter be­ri­ledi. Halyqtyń ótinish-ti­lek­terin jınaý qoǵamdyq q­a­byldaý ból­me­leri arqyly partııalyq jınalys­tar­da, partııa aktıv­te­ri­niń otyrys­tarynda jáne kon­fe­ren­sııalarda júzege asyrylady. “Nur Otan” partııasynyń saı­tynda usynystar men ótinish-tilekterdi qaldyrýǵa bolatyn arnaıy bólim ashylady. Aksııa sheńberinde kelip túsip jatqan problemaly máselelermen tanysý jáne talqylaý úshin mem­lekettik organdar ókilderiniń jáne basqa da mamandardyń qatysýymen dóńgelek ústelder, kezdesýler ótkiziledi. Aksııa barysynda kelip túsken bizdiń azamattardyń usynystary men ótinish-tilekterin partııa baǵdarlamasyn ázirleýshiler qol­da­nady jáne bul aımaqtar bo­ıynsha problema kartasyn qurýǵa múm­kindik beredi. Barlyq usy­nys­tar taldanady jáne pysyqtalady, jı­nalǵan materıaldar negizinde “ha­lyqtyń ótinish-tilekteri” jınaǵy daıyndalady. Aksııanyń qorytyndysy bo­ıynsha partııa baǵdarlamasyna qosý úshin jumys tobynyń qa­ra­ýyna naqty usynystar engiziledi. “Otandastar” jobasyn iske asyrý halyqpen keri baılanys or­natýdyń jańa mehanızmderin qu­rýǵa, sondaı-aq qoǵamnyń kó­keı­kesti problemalary men másele­lerin anyqtaýǵa yqpal etedi.